கர்நாடக மாநிலம் ராம்நகர் மாவட்டத்தில் உள்ள ஒரு கல்லூரியில் ஒரு மாணவி தனது பாதுகாப்பு குறித்து வெளிப்படுத்திய அதிர்ச்சி சம்பவம் நிகழ்ந்துள்ளது. கல்லூரியில் மாணவி கழிவறைக்கு சென்ற போது, அதற்குள் பதுங்கியிருந்த குஷால் என்ற மாணவர், தனது செல்போனில் வீடியோ பதிவு செய்ததாக குற்றம்சாட்டப்பட்டது. மாணவியின் ஒலியில், கல்லூரி ஊழியர்கள் மற்றும் மற்ற மாணவர்கள் உடனடியாகக் குவிந்து, குஷாலை வெளியில் இழுத்து வந்தனர்.

இந்த சம்பவம் கல்லூரி நிர்வாகத்தால் உடனடியாக போலீசாருக்கு தகவல் வழங்கப்பட்டது. போலீசார் குஷாலை கைது செய்து, அவரது செல்போனை ஆய்வு செய்தபோது, மாணவிகளை குறிவைத்து அவர் 14 நிமிடங்களுக்கும் 59 வினாடிகளுக்கும் வீடியோ பதிவுகளை செய்தது தெரியவந்தது.

போலீசார் தற்போது விசாரணையை தீவிரமாக நடத்தி வருகின்றனர். குஷால் இதேபோல் முந்தைய சந்தர்ப்பங்களில் கூட மாணவிகளை வீடியோ பதிவு செய்துள்ளாரா என்பதையும், அந்த வீடியோக்களை வேறு யாரிடமாவது பகிர்ந்தாரா என்பதையும் கண்டறிய முயற்சிக்கின்றனர்.