மாஸ்கோவின் வடக்கே விபத்துக்குள்ளான தனியார் ஜெட் விமானத்தில் ரஷ்ய கூலிப்படைத் தலைவர் எவ்ஜெனி பிரிகோஜின் பயணித்தவர் என பட்டியலிடப்பட்டு, 10 பேர் உயிரிழந்து விட்டதாக ரஷ்ய அதிகாரிகள் தெரிவித்தனர்.
வாக்னர் தலைவர் உண்மையில் விமானத்தில் ஏறியாரா என்பது உறுதிப்படுத்தப்பட உள்ளது.விபத்துக்குள்ளான விமானம் பிரிகோஜின் குழுவிற்கு சொந்தமானது என்றும், பலமுறை பெலாரஸுக்கு பறந்தது என்றும் ரஷ்ய சார்பு இராணுவ சேனலான ‘மிலிட்டரி இன்ஃபார்மென்ட்’ கூறியது. ரஷ்ய அதிபர் புதினுக்கு எதிராக சமீபத்தில் கிளர்ச்சி செய்த தனியார் ராணுவமான வாக்னர் குழுமத்தின் தலைவர் எவ்ஜெனி பிரிகோஜின் உயிரிழந்தார் என செய்தி வெளியாகியுள்ளது. ரஷ்ய அதிகாரிகள் இந்த தகவலை உறுதிப்படுத்தியுள்ளனர்..
ரஷ்யாவின் ட்வெர் பகுதியில் பயணிகளுடன் சென்ற விமானம் விபத்துக்குள்ளானதாக முதல் தகவல் கிடைத்தது. இந்த சம்பவத்தில் 10 பேர் உயிரிழந்ததாக ஊடக வட்டாரங்கள் தெரிவித்துள்ளன. இறந்த பயணிகளில் பிரிகோஜினும் ஒருவர் என்று ரஷ்ய விமானப் போக்குவரத்து நிறுவனம் தெரிவித்துள்ளது. விமானம் மாஸ்கோவில் இருந்து செயின்ட் பீட்டர்ஸ்பர்க் நோக்கி பயணித்த போது இந்த விபத்து நடந்துள்ளது. இதில் 7 பயணிகள் மற்றும் 3 பணியாளர்கள் கொல்லப்பட்டனர்.
அதேபோல ரஷ்ய கூலிப்படைத் தலைவர் எவ்ஜெனி பிரிகோஜின் இறந்துவிட்டதாக அவரது வாக்னர் கூலிப்படை குழுவுடன் இணைந்த டெலிகிராம் சேனல் புதன்கிழமை செய்தி வெளியிட்டுள்ளது. அதில் “வாக்னர் குழுமத்தின் தலைவர், ரஷ்யாவின் ஹீரோ, அவரது தாய்நாட்டின் உண்மையான தேசபக்தர் – யெவ்ஜெனி விக்டோரோவிச் பிரிகோஜின் ரஷ்யாவிற்கு துரோகிகளின் (ரஷ்ய படை) செயல்களின் விளைவாக இறந்தார்” என்று கிரே சோன் சேனலில் ஒரு இடுகை கூறியது. “ஆனால் நரகத்தில் கூட, அவர் சிறந்தவராக இருப்பார்! ரஷ்யாவிற்கு மகிமை!” என பதிவிட்டுள்ளது. இதனால் ரஷ்யாவில் பதற்றம் ஏற்பட்டுள்ளது.
புடினுக்கு எதிராக வாக்னரின் தலைமைக் கிளர்ச்சி :
கடந்த இரண்டு ஆண்டுகளாக, ரஷ்ய ராணுவம் உக்ரைன் மீது தாக்குதல் நடத்தி வருகிறது. உக்ரைனுக்கு எதிரான இராணுவ நடவடிக்கையில் ரஷ்ய இராணுவத்துடன் வாக்னர் என்ற தனியார் இராணுவத்தின் தலைவரான பிரிகோஜினும் ஆதரவாக பிரிகோஜின் நின்றார். இருப்பினும், இந்த ஆண்டு ஜூன் மாதம், ப்ரிகோஜின் ரஷ்ய ஜனாதிபதி புடினுக்கு எதிராக கிளர்ச்சி செய்தார். அரசாங்கத்தின் நடவடிக்கைகளுக்கு கடும் கண்டனம் தெரிவித்த வாக்னர், ரஷ்யாவின் ஜனாதிபதி பதவியில் இருந்து புடினை நீக்க நடவடிக்கை எடுக்கப்படும் எனவும் தெரிவித்தார். அதுவரை உக்ரைனுக்கு எதிரான ராணுவ நடவடிக்கைக்கு துணை நின்ற பிரிகோஜின் திரும்பியபோது ரஷ்யாவின் நிலைமை கட்டுக்கடங்காமல் போனது போல் தோன்றியது. சட்டப் போராட்டம் நடத்துவதாகவும், அரசைக் கவிழ்ப்பது தங்களின் நோக்கம் இல்லை என்றும் தெரியவந்ததால், ரஷ்ய அரசு நிம்மதிப் பெருமூச்சு விட்டுள்ளது. பெலாரஷ்ய அதிபர் லுகாஷென்கோ தலையிட்டு சரிசெய்த பிறகு, வாக்னரின் படைகள் ரஷ்ய அரசாங்கத்தின் மீது தாக்குதல் நடத்தவில்லை. நாட்டில் உள் இரத்தக்களரியைத் தேட விரும்பவில்லை, பிரிகோஜின் தனது படைகளைத் திரும்பப் பெற்றார்.
யார் இந்த ப்ரிகோஜின் :
ரஷ்ய அதிபர் புதினின் அரசியல் வட்டாரத்தில் பிரிகோஜினைத் தெரியாதவர்களே இல்லை. அவர் ‘புட்டின் சமையல்காரர்’ என்று அழைக்கப்படுகிறார். ப்ரிகோஜின் புடினின் நம்பிக்கைக்குரியவர்களில் ஒருவர். 1980 களில், ப்ரிகோஜின் திருட்டு மற்றும் கொள்ளை வழக்குகளுக்காக கிட்டத்தட்ட 9 ஆண்டுகள் சிறைவாசம் அனுபவித்து வெளியே வந்தார். 1990களில் புட்டினுடன் தொடர்பு கொண்டார். 2000 ஆம் ஆண்டில் புடின் ரஷ்யாவின் ஜனாதிபதியானார். மறுபுறம், பிரிகோஜின் உணவகங்கள் மற்ற வணிகங்களுக்கு விரிவடைந்தது. அவர் ரஷ்ய அரசாங்கத்தின் இராணுவ மற்றும் பள்ளி உணவு ஒப்பந்தங்களைப் பெற்றார்.
இவை தவிர இன்னொரு முக்கியமான துறையும் அவர் பார்வையில் உள்ளது. அது புடினின் தனியார் ராணுவம்.. வாக்னரின் தனியார் ராணுவ நிறுவனம் (PMC).. இந்தக் குழுவில் முழுக்க முழுக்க கூலிப்படையினர் உள்ளனர். வெளிநாட்டில் ரஷ்யா மற்றும் புடின் விரும்பிய இலக்குகளை அடைய அவர்கள் இரகசியமாக வேலை செய்கிறார்கள். உக்ரைனுக்கு எதிரான ராணுவ நடவடிக்கையின் போது ‘பக்முத்’ என்ற முக்கிய நகரை கைப்பற்றியதில் முக்கிய பங்கு வகித்தனர் வாக்னர் படையினர்..
❗️ "The head of the Wagner Group, Hero of Russia, a true patriot of his Motherland – Yevgeny Viktorovich Prigozhin died as a result of the actions of traitors to Russia", – GRAY ZONE Wagnerivtsiv channel pic.twitter.com/9KprE6fHzu
— 🇺🇦Ukrainian Front (@front_ukrainian) August 23, 2023
Major Breaking News:
Private jet of Wagner boss Yevgeny Prigozhin has crashed in the Tver Region. Prigozhin was on the passenger list. Wagner channel “Greyzone” accuses that Russian air defense shot it down.
It was inevitable that the feud between Putin and Prigozhin will end… pic.twitter.com/NYGhnCrkBp
— (((Tendar))) (@Tendar) August 23, 2023
https://twitter.com/catherine12451/status/1694417548547088636