மேலும் இது ஆராய்ச்சி பணியில் வானிலை ஆய்வு தொடர்புடைய பணியில் ஈடுபடுத்தப்பட்டிருந்தது. ஆனால் வானிலை மாற்றத்தால் ஏற்பட்ட பலத்த காற்றாலும் குறைந்த சுய இயக்கத் தன்மையாலும் உளவு பலூன் தன் திசை மாறி திட்டமிட்ட இலக்கை விட்டு வேறு பகுதிக்கு சென்று விட்டது. மேலும் அமெரிக்க நாட்டின் வான் பரப்புக்குள் தவறுதலாக நுழைந்ததற்கு எங்கள் தரப்பில் இருந்து நாங்கள் வருத்தம் தெரிவித்துக் கொள்கிறோம். இது எதிர்பாராமல் நடந்த ஒரு சம்பவம். இது குறித்து அமெரிக்க தரப்புடன் தொடர்பு கொண்டு எங்கள் தரப்பு நியாயத்தை விளக்குவோம்” என்று கூறப்பட்டுள்ளது.

ஆனால் சீனா வெளியிட்ட விளக்கத்திற்கு பென்டகன் செய்து தொடர்பாளர் பிரிகேடியர் ஜெனரல் பேட் ரைடர் கூறியதாவது “அந்த பலூன் தற்போது கிழக்கு நோக்கி நகரத் தொடங்கியது. அமெரிக்க கண்டத்தின் மையத் பகுதிக்கு மேல் சென்று கொண்டிருக்கிறது. மேலும் இந்த பலூன் எங்கள் நாட்டு மக்களுக்கு ராணுவ அல்லது உடலியல் சார்ந்த அச்சுறுத்தல்களை ஏற்படுத்தவில்லை என்பது பற்றி இந்த நேரத்தில் நாங்கள் முடிவு செய்து இருக்கிறோம். ஆனால் அந்த உளவு பலூனை தொடர்ந்து கண்காணித்து அதன் பின்னரே முடிவுகளை ஆய்வு செய்வோம். மேலும் சீன அரசினுடைய விளக்கம் பற்றி எங்களுக்கு நன்றாகத் தெரியும். ஆனால் உண்மை என்னவென்றால் அது ஒரு உளவு பலூன் தான். அதுவும் எங்களுக்கு தெரியும்” என்றார்.