டி20 உலகக்கோப்பையின் இன்றைய மெகா மோதலில், பாகிஸ்தான் அணிக்கு இந்திய அணி 176 ரன்கள் என்ற இமாலய இலக்கை நிர்ணயித்துள்ளது. ஆட்டத்தின் தொடக்கத்தில் அதிரடி வீரர் அபிஷேக் ஷர்மா மற்றும் துணை கேப்டன் ஹர்திக் பாண்டியா ஆகியோர் ‘டக் அவுட்’ ஆகி அதிர்ச்சி கொடுத்தாலும், இளம் புயல் இஷான் கிஷன் தனது அதிரடியால் போட்டியைத் தலைகீழாக மாற்றினார்.

பாகிஸ்தான் பவுலர்களைப் பந்தாடிய அவர் 77 ரன்கள் குவித்து நல்ல அடித்தளம் அமைத்துக் கொடுத்தார். அவருக்குப் பின் ஜோடி சேர்ந்த சூர்யகுமார் யாதவ் மற்றும் ரிஷப் ஜோடி, கடைசி ஓவர்களில் சிக்ஸர் மழையைப் பொழிந்து பாகிஸ்தான் அணியின் பந்துவீச்சு வியூகத்தைச் சுக்குநூறாக உடைத்தனர்.

நிர்ணயிக்கப்பட்ட 20 ஓவர்கள் முடிவில் இந்திய அணி சிறப்பான ஸ்கோரை எட்டியுள்ளது. கொழும்பு மைதானத்தில் தற்போது பாகிஸ்தான் அணிக்கு நெருக்கடி அதிகரித்துள்ள நிலையில், இந்திய பவுலர்கள் இந்த ஸ்கோரை டிஃபண்ட் செய்து வெற்றி வாகை சூடுவார்களா என்று ரசிகர்கள் ஆவலோடு காத்துக்கொண்டிருக்கின்றனர்.