சமூக வலைதளங்களில் ஒரு அதிசய வீடியோ வைரலாகி வருகிறது. அதில், ‘அலுமினியத்தின் மரணம்’ என்று வர்ணிக்கப்படும் ஒரு உலோகம் குறித்துக் கூறப்பட்டுள்ளது. அந்த உலோகம், கால்லியம் ஆகும். வெறும் ஒரே ஒரு துளி கால்லியம் உலோகம், திடமான அலுமினியப் பூட்டைக்கூட முற்றிலும் சேதப்படுத்துவதை அந்த வீடியோவில் காணலாம். இந்த உலோகம், அலுமினியத்தின் மேலுள்ள பாதுகாப்பு ஆக்சைடு அடுக்கை ஊடுருவிச் சென்று, அதன் உள்ளமைப்பைக் குலைத்து, அலுமினியத்தை உடனடியாக மென்மையாகவும் பலவீனமாகவும் மாற்றிவிடுகிறது. இந்தச் செயல்பாடு பார்ப்பதற்கு அலுமினியத்தின் ‘இறுதிச் சடங்கு’ போலத் தோன்றுகிறது என்று நெட்டிசன்கள் ஆச்சரியத்துடன் கருத்து தெரிவிக்கின்றனர்.

 

View this post on Instagram

 

A post shared by Detailed Explanation (@detailedexplanation)

1875-ஆம் ஆண்டு பிரெஞ்சு வேதியியலாளர் பால்-எமில் லெகோக் டி போயிஸ்பார்டிரான் என்பவரால் இந்த மர்மமான கால்லியம் உலோகம் கண்டறியப்பட்டது. இது இயற்கையில் எளிதில் கிடைக்காததால் மிகவும் விலை உயர்ந்ததாக உள்ளது. ஒரு கிலோகிராம் கால்லியத்தின் தற்போதைய விலை சுமார் $1,541.10 (இந்திய மதிப்பில் தோராயமாக ₹1.4 லட்சம்) ஆகும். இந்த உலோகம் அலுமினியத்தை அழிக்கும் திறன் கொண்டதாக இருந்தாலும், இது மின்னணுச் சுற்றுகள், செமிகண்டக்டர்கள், எல்.இ.டி. விளக்குகள் மற்றும் வெப்பமானிகள் போன்ற முக்கியமான சாதனங்களைத் தயாரிக்கப் பயன்படுத்தப்படுகிறது.