இந்தியா மற்றும் தென்னாப்பிரிக்கா அணிகளுக்கு இடையேயான டி20 தொடரில், இந்திய அணியின் நட்சத்திர வீரர்களான விராட் கோலி மற்றும் ரோஹித் சர்மா ஆகியோர் இல்லாதது குறித்து, தென்னாப்பிரிக்க அணியின் கேப்டன் எய்டன் மார்க்ரம் (Aiden Markram) கருத்துத் தெரிவித்துள்ளார்.

கோலி மற்றும் ரோஹித் இல்லாதது குறித்துக் கேட்டபோது, மார்க்ரம் தனது உணர்வுகளைச் சுருக்கமாக, “அது சிறந்ததுதான்” (It’s Great) என்று இரண்டு வார்த்தைகளில் வெளிப்படுத்தியுள்ளார்.

எனினும், அந்த இரு ஜாம்பவான்கள் இல்லாவிட்டாலும், இந்திய அணி இப்போதும் “ஒரு சிறந்த இந்திய அணிதான்” (Great Indian team) என்றும் அவர் பாராட்டினார்.

சமீபத்தில் நடந்த மூன்று ஒருநாள் போட்டிகள் கொண்ட தொடரில் இந்த இருவருமே தென்னாப்பிரிக்காவுக்குப் பெரும் சவாலாக இருந்தனர் என்பது குறிப்பிடத்தக்கது.