பீட்சா படத்தின் மூலம் ரசிகர்களை கவர்ந்த கார்த்திக் சுப்புராஜ் ஜிகர்தண்டா, பேட்ட போன்ற பல வெற்றி படங்களை கொடுத்து ரசிகர்களின் மனதில் நீங்கா இடம் பிடித்துள்ளார். தற்போது இவரது இயக்கத்தில் உருவாகி வரும் ‘ரெட்ரோ’ என்னும் படத்தில் நடிகர் சூர்யா கதாநாயகனாக நடிக்க பூஜா ஹிட்டே கதாநாயகியாக நடித்துள்ளார். இப்படம் ஆனது மே 1 -ம் தேதி வெளியாகும் என்று தகவல்கள் தெரிவிக்கின்றன.

இயக்குனராக மட்டுமல்லாது தனது ஸ்டோன் பெஞ்ச் நிறுவனத்தின் மூலம் பல படங்களை கார்த்திக் சுப்புராஜ் தயாரித்து வருகின்றார். அதன்படி மெர்குரி, மேயாத மான், பென்குயின் உள்ளீடப் பட படங்களை இவர் தயாரித்துள்ளார். இந்நிலையில் இவரின் ஸ்டோன் பெஞ்ச் நிறுவனம் தயாரிக்கும் 3 படங்களுக்கு சமூக வலைதள பிரபலம் நிஹாரிகா கதாநாயகியாக நடிக்க ஒப்பந்தமாகியுள்ளார். இது தொடர்பான அறிவிப்பை ஸ்டோன் பெஞ்ச் நிறுவனம் வெளியிட்டுள்ளது.