கால்நடை மருத்துவப் படிப்புகளுக்கான மாணவர் சேர்க்கைக்குப் பொது நுழைவுத் தேர்வு அல்லது நீட் தேர்வு நடத்தப்படும் என்ற திடீர் அறிவிப்பு வெளியாகியுள்ள நிலையில், இது தமிழக மாணவர்களின் நலனைப் பாதிக்கும் எனத் தெரிவித்துத் தமிழக முதல்வர் விஜய் அவர்கள் நேரடியாகப் பிரதமர் நரேந்திர மோடிக்கு அவசரக் கடிதம் எழுதியுள்ளார். இந்த அதிரடியான நடவடிக்கை கல்வி வட்டாரங்களிலும் அரசியல் களத்திலும் ஒரே நேரத்தில் பெரும் அதிர்வலைகளை ஏற்படுத்தியுள்ளது.

பிளஸ் 2 பொதுத்தேர்வில் மாணவர்கள் பெறும் மதிப்பெண்களின் அடிப்படையிலேயே இதுவரை கால்நடை மருத்துவப் படிப்புகளுக்குச் சேர்க்கை நடத்தப்பட்டு வந்ததாகவும், தற்போது கொண்டுவரப்பட்டுள்ள புதிய நுழைவுத் தேர்வு முறை மாணவர்களிடையே கடுமையான மன உளைச்சலையும் கவலையையும் ஏற்படுத்தியுள்ளதாகவும் முதல்வர் தனது கடிதத்தில் சுட்டிக்காட்டியுள்ளார். கிராமப்புற மற்றும் எளிய பின்னணியில் இருந்து வரும் மாணவ-மாணவிகளின் மருத்துவக் கனவை இந்தத் தேர்வு முறை சிதைத்துவிடும் என்பதால், மத்திய அரசு உடனடியாக இதில் தலையிட்டுத் தளர்வு அளிக்க வேண்டும் என்றும் அவர் வலியுறுத்தியுள்ளார்.

பன்னிரண்டாம் வகுப்பு மதிப்பெண்களை மட்டுமே பிரதான தகுதியாக வைத்து மாணவர் சேர்க்கை நடத்தப்படுவதை உறுதி செய்ய வேண்டும் என்று பிரதமர் மோடியைக் கேட்டுக்கொண்டுள்ள முதல்வரின் இந்த லெட்டர் தற்போது சமூக வலைதளங்களில் மிக வேகமாகப் பரவி வருகிறது. மாணவர்களின் எதிர்காலத்தைக் காக்கக் கோரி விடுக்கப்பட்டுள்ள இந்தத் கோரிக்கை நாடு முழுவதும் உள்ள பெற்றோர்களிடமும் மாணவர்களிடமும் பெரும் வரவேற்பைப் பெற்றுள்ளது குறிப்பிடத்தக்கது.