நாடாளுமன்ற மக்களவையில்  நேற்று முன்தினம் கடும் அமளிக்கும் மத்தியில் வக்பு வாரிய சட்டத்திருத்த மசோதாவை மத்திய பாஜக அரசு நிறைவேற்றியது. இதற்கு எதிர்கட்சிகள் கடும் கண்டனம் தெரிவித்து வரும் நிலையில் வக்பு வாரிய சட்ட திருத்த மசோதாவுக்கு எதிராக ஏற்கனவே தமிழக சட்டசபையில் தீர்மானம் நிறைவேற்றப்பட்டுள்ளது. நேற்று நடத்தப்பட்ட வாக்கெடுப்பில் 288 எம்பிக்கள் ஆதரவாகவும் 232 எம்பிகள் எதிர்ப்பும் தெரிவித்தனர்.

இந்நிலையில் மக்களவையில் மசோதா நிறைவேற்றப்பட்ட நிலையில் நேற்று நள்ளிரவில் மாநிலங்களவையிலும் மசோதா நிறைவேற்றப்பட்டுள்ளது. இந்த வக்பு வாரிய சட்டத்திருத்த மசோதாவுக்கு ஆதரவாக 128 எம்பிக்களும் எதிராக 95 எம்பிக்களும் வாக்களித்துள்ளனர். மேலும் 12 மணி நேரத்திற்கு மேலாக விவாதம் நடைபெற்ற நிலையில் நேற்று நள்ளிரவு 2 மணி அளவில் மசோதா நிறைவேற்றப்பட்டது.