பிரபல நடிகைகள் ராதிகா, நிரோஷா ஆகியோரின் தாயாரும், மூத்த நடிகர் எம்.ஆர். ராதாவின் மனைவியுமான கீதா ராதா (வயது 86) இன்று காலமானார்.
வயது மூப்பு காரணமாக அவர், சென்னை போயஸ் கார்டனில் உள்ள தனது இல்லத்தில் இன்று உயிரிழந்தார் என அவரது மகள் நடிகை ராதிகா தெரிவித்துள்ளார். அவரது மறைவுக்கு திரைத்துறையினர் மற்றும் ரசிகர்கள் ஆழ்ந்த இரங்கலைத் தெரிவித்துள்ளனர்.
அவரது உடல் பொதுமக்கள் அஞ்சலிக்காக போயஸ் கார்டனில் வைக்கப்பட்டு சென்னையின் பெசன்ட் நகர் மின்மயானத்தில் நாளை (செப்.22) இறுதிச்சடங்குகள் நடைபெறும் என குடும்பத்தினர் அறிவித்துள்ளனர்.
