கிரிக்கெட் களத்தில் அவ்வப்போது வீரர்களின் எதிர்பாராத செயல்பாடுகளினாலும், சாதுரியமான உத்திகளினாலும் சுவாரஸ்யமான தருணங்கள் உருவாகுவது வழக்கம். ஆனால், சில சமயங்களில் வீரர்கள் பதற்றத்திலோ அல்லது ஆத்திரத்திலோ செய்யும் சில விசித்திரமான தவறுகள், கிரிக்கெட் ரசிகர்களைச் சிரிப்பலையில் ஆழ்த்துவதோடு இணையத்தில் மிகப்பெரிய அளவில் வைரலாகிவிடும்.

அந்த வகையில், உள்ளூர் கிரிக்கெட் போட்ட ஒன்றில் இந்திய வீரர் ஹிம்மத் சிங் ரன் அவுட் ஆன விதம், கிரிக்கெட் உலகையே ஆச்சரியத்திலும் சிரிப்பிலும் ஆழ்த்தியுள்ளது. போட்டியின் போது ரன் எடுக்க முற்பட்ட தருணத்தில், எதிரணி வீரர் பந்தை எடுத்து விக்கெட்டை நோக்கி வீச முயன்றபோது அது தவறாக கைநழுவிச் சென்றது.

இதனால் தான் ரன் அவுட் ஆகாமல் தப்பித்துவிட்டோம் என்ற நிம்மதியில் இருந்த ஹிம்மத் சிங், ரன் அவுட் வாய்ப்பை தவறவிட்ட எதிரணி வீரரின் மீதான கடுப்பில் அல்லது தனக்குக் கிடைத்த வாய்ப்பின் ஆத்திரத்தில், தன் அருகில் உருண்டு வந்த பந்தை கோபத்தோடு காலால் உதைத்துள்ளார். ஆனால், அவர் செய்த அந்த ஒரே ஒரு தவறு, ஆட்டத்தின் போக்கையே தலைகீழாக மாற்றி அவருக்குப் பெரிய ஆப்பாக முடிந்தது.

அவர் காலால் உதைத்த பந்து, நேராகச் சென்று விக்கெட் ஸ்டம்புகளின் மீது பட்டு பெய்ல்ஸ்களைக் கீழே தள்ளியது. கிரிக்கெட் விதிகளின்படி, களத்தில் இருக்கும் பேட்ஸ்மேன் தனது விக்கெட்டைப் பாதுகாக்கும் நோக்கில் அல்லது கிரீஸுக்குள் இல்லாதபோது பந்தை காலால் உதைத்து அது விக்கெட்டில் பட்டால், அது ரன் அவுட்டாகவே கருதப்படும்.

தான் செய்த சிறிய தவறால் விக்கெட்டைப் பறிகொடுத்து அவுட் ஆனதை உணர்ந்த ஹிம்மத் சிங், களத்திலேயே அதிர்ச்சியில் உறைந்து நின்றார். இந்த விசித்திரமான ரன் அவுட் வீடியோ தற்போது சமூக வலைதளங்களில் காட்டுத்தீ போல பரவி ரசிகர்களிடையே பெரும் விவாதத்தையும் சிரிப்பலையையும் ஏற்படுத்தி வருகிறது.

“>