தமிழ்நாடு முதலமைச்சர் விஜய்யின் எளிய மற்றும் கனிவான தருணம் ஒன்று தற்போது சமூக ஊடகங்களில் வெளியாகி வைரலாகி வருகிறது.

மேலும் வின்ஃபாஸ்ட் நிறுவனத்தின் ஆசிய செயல்பாடுகளுக்கான தலைமை நிர்வாக அதிகாரி பாம் சான் சௌ முதலமைச்சர் விஜய்யைச் சந்தித்தபோது, அவருக்கு ஒரு சிறிய பொம்மை கார் மாதிரியை பரிசாக வழங்கினார். அந்தப் பரிசைப் பெற்றுக்கொண்ட விஜய், அதை சாதாரணமாக ஒதுக்கிவிடாமல், கைகளில் எடுத்து மிகவும் ஆர்வத்துடனும் குழந்தைத்தனமான ரசனையுடனும் உற்று நோக்கி ஆராய்ந்தார்.

“>

இந்த வீடியோ சமூக வலைத்தளங்களில் பரவி, அவரது எளிமையைப் பாராட்டும் ரசிகர்களால் “கியூட்” என்றும் “குழந்தை மனம் மாறாதவர்” என்றும் நெகிழ்ச்சியுடன் பகிரப்பட்டு வருகிறது. முதலமைச்சர் விஜய்க்குப் பரிசாக வழங்கப்பட்ட அந்தப் பொம்மை கார், சர்வதேச சந்தையில் விற்கப்படும் புகழ்பெற்ற மின்சார காரான ‘வின்ஃபாஸ்ட் வி.எஃப்8’ மாடலாகும்.

இந்நிலையில் அதிகாரப்பூர்வ அரசியல் நிகழ்வுகள் மற்றும் முக்கிய முடிவுகளுக்கு மத்தியில், முதலமைச்சரின் இத்தகைய இயல்பான தருணங்கள் பொதுமக்களைப் பெரிதும் கவர்ந்துள்ளன. இந்த மின்சார வாகனத் தயாரிப்பு நிறுவனத்தின் நிர்வாகியுடனான சந்திப்பும், அதைத் தொடர்ந்து நடந்த இந்த சுவாரசியமான பரிமாற்றமும் தற்போது இணையத்தில் பேசுபொருளாக மாறியுள்ளது.