தமிழக அரசியல் வட்டாரத்தில் திடீரெனப் புயலைக் கிளப்பியுள்ளது திருச்செந்தூர் தொகுதி திமுக எம்.எல்.ஏ அனிதா ராதாகிருஷ்ணனின் அதிரடி கைது நடவடிக்கை! சற்றுமுன் நடந்துள்ள இந்தச் சம்பவம், ஒட்டுமொத்த திமுக தொண்டர்களையும், அரசியல் விவாத மேடைகளையும் அதிர வைத்துள்ளது. திருச்செந்தூரில் அடுத்தடுத்து அரங்கேறிய அதிரடி திருப்பங்களைத் தொடர்ந்து, அனிதா ராதாகிருஷ்ணன் போலீசாரால் அதிரடியாகக் கைது செய்யப்பட்டுள்ளார். இந்தச் செய்தி காட்டுத்தீயாய் பரவி வரும் நிலையில், தமிழக அரசியலில் அடுத்தடுத்து என்ன நடக்கப் போகிறது என்ற பரபரப்பு உச்சக்கட்டத்தை எட்டியுள்ளது.
இந்தக் கைது நடவடிக்கையைக் கேட்டு கடும் கொந்தளிப்படைந்த எதிர்க்கட்சித் தலைவர் உதயநிதி ஸ்டாலின், ஆளுங்கட்சியை கிழித்துத் தொங்கவிட்டுப் பதிவொன்றைப் போட்டுள்ளார். அதில், மாநிலத்தில் சட்டம் ஒழுங்கு முற்றிலும் சீர்கெட்டுப் போய்க் கிடப்பதாகவும், அதை மீட்டெடுக்கக் காட்டாத அசுர வேகத்தை, எதிர்க்கட்சி உறுப்பினர்களைக் குறிவைத்துத் தூக்குவதில் இந்த அரசு காட்டி வருவதாகவும் மிகக் காரசாரமாகக் குற்றம் சாட்டியுள்ளார். மேலும், “எங்களை முடக்கலாம் என நினைக்கும் இந்த ரீல்ஸ் அரசின் எண்ணம் ஒருபோதும் நிறைவேறாது” என சவால் விட்டுள்ள உதயநிதியின் இந்த ஆவேசப் பதிவு, தற்போதைய சோஷியல் மீடியாக்களில் பயங்கர ட்ரெண்டாகி வருகிறது.
