கேரளாவில் ஒட்டுமொத்தப் பொதுமக்களையும் உலுக்கியுள்ள ஒரு கொடூரக் கொலை வழக்கில், தற்போது பிரேதப் பரிசோதனை (Post-mortem) அறிக்கையின் மூலம் மிக அதிர்ச்சியூட்டும் திடுக்கிடும் தகவல்கள் வெளியாகியுள்ளன.

அங்குள்ள பெண் ஒருவர், திருமணத்திற்கு மீறிய கள்ளக்காதல் உறவில் தங்களுக்குத் தடையாக இருந்த காரணத்திற்காகத் தனது சொந்த ஒன்றரை வயதுக் குழந்தையைத் தனது காதலனுடன் சேர்ந்து கொடூரமாகக் கொலை செய்துள்ளார்.

இந்தத் துயரச் சம்பவத்தில் உயிரிழந்த அந்தக் குழந்தையின் மூளை மற்றும் மார்புப் பகுதியில் கடுமையான ரத்தக்கசிவு ஏற்பட்டதே மரணத்திற்குக் முக்கிய காரணம் என்று உடற்கூறு ஆய்வில் தற்போது தெரியவந்துள்ளது.

அதுமட்டுமில்லாமல், சிறு பிஞ்சு என்றும் பாராமல் நிகழ்த்தப்பட்ட இந்த மிருகத்தனமான தாக்குதலில், பிஞ்சு குழந்தையின் உடலில் விலா எலும்பில் மட்டும் 7 இடங்களில் முறிவு ஏற்பட்டுள்ளதுடன், உடல் முழுவதும் மொத்தம் 91 கொடூரக் காயங்கள் இருப்பதாகத் தெரிவிக்கப்பட்டுள்ளது ஒட்டுமொத்தப் பேரையும் நெஞ்சடைக்க வைத்துள்ளது.