தமிழக முதலமைச்சராகப் பொறுப்பேற்ற பிறகு முதன்முறையாக டெல்லி சென்றுள்ள முதலமைச்சர் விஜய், பிரதமர் நரேந்திர மோடியை நேரில் சந்தித்துத் தமிழகத்தின் மிக முக்கிய மாநில உரிமை சார்ந்த விவகாரம் குறித்து அதிரடி மனு ஒன்றை அளித்துள்ளார்.
சமீபகாலமாகப் பொது விழாக்களில் ‘தமிழ்த்தாய் வாழ்த்து’ பாடல் பாடப்படும் போது ஏற்படும் குளறுபடிகள் மற்றும் சர்ச்சைகளுக்கு முற்றுப்புள்ளி வைக்கும் வகையில், மாநில அரசு நடத்தக்கூடிய அரசு விழாக்களில் முதலில் தமிழ்த்தாய் வாழ்த்துப் பாடப்படுவதை உறுதி செய்ய உரிய நடவடிக்கை எடுக்க வேண்டும் என்று பிரதமர் மோடியிடம் முதல்வர் விஜய் கனிவுடன் கேட்டுக்கொண்டுள்ளார்.
இந்த விவகாரத்தில் மத்திய அரசு விரைந்து ஆவன செய்ய வேண்டும் என்று வலியுறுத்தியுள்ள முதலமைச்சர் விஜய்யின் இந்த அதிரடி டெல்லி விசிட்டும், பிரதமருடனான இந்த மெகா சந்திப்பும் தமிழக அரசியல் வட்டாரத்தில் தற்போது மாபெரும் பேசுபொருளாக மாறியுள்ளது.
