அதிமுக கூட்டணியில் சசிகலா இணைவாரா என்பது குறித்த கேள்விக்கு, அம்மா மக்கள் முன்னேற்றக் கழகத்தின் (அமமுக) பொதுச்செயலாளர் டிடிவி தினகரன் இன்று விளக்கம் அளித்துள்ளார்.

மயிலாடுதுறையில் இன்று  செய்தியாளர்களைச் சந்தித்த டிடிவி தினகரனிடம், சசிகலா அதிமுக கூட்டணியில் இணைவது குறித்துக் கேள்விகள் எழுப்பப்பட்டன. அதற்குப் பதிலளித்த அவர், “எங்கள் கூட்டணியில் இல்லாவிட்டாலும் எங்களுக்கு ஆதரவு கொடுக்க வேண்டும்” எனத் தெரிவித்தார்.

தொடர்ந்து பேசிய அவர், அதிமுகவில் உள்ள 99.9% தொண்டர்கள் தற்போது ஓரணியாகத் திரண்டுவிட்டதாகக் குறிப்பிட்டார். கூட்டணியில் சேராமல் தனித்து நின்றாலும் அல்லது வேறு நிலைப்பாட்டில் இருந்தாலும், தங்களுக்கு ஆதரவு அளிக்க வேண்டும் என்பதே தமது கோரிக்கை என்று அவர் மறைமுகமாகச் சுட்டிக்காட்டினார்.

மேலும் தேர்தல் நெருங்கும் வேளையில், அதிமுக மற்றும் அதன் கூட்டணி தொடர்பான டிடிவி தினகரனின் இந்த கருத்து அரசியல் வட்டாரத்தில் கவனத்தை ஈர்த்துள்ளது.