உதவி ஆய்வாளர் (SI) தேர்வுக்கான பாடத்திட்டத்தில் தமிழ் மொழியிலிருந்து 10 வினாக்கள் இடம்பெறும் என்று அறிவிக்கப்பட்டிருந்த நிலையில், அசல் தேர்வில் ஒரு வினா கூட கேட்கப்படவில்லை என்று கூறி, மதுரை உயர்நீதிமன்றக் கிளையில் வழக்கு தொடரப்பட்டுள்ளது. இதுமட்டுமன்றி, ஒவ்வொரு சமூகப் பிரிவினருக்கும் தனித்தனியாகக் கட்-ஆஃப் மதிப்பெண்களை அறிவிக்காமல், ஒட்டுமொத்தமாக முடிவுகளை வெளியிட்டிருப்பது விதிகளுக்குப் புறம்பானது என்றும் மனுதாரர் குற்றம் சாட்டியுள்ளார். முறையாகப் பாடத்திட்டத்தைப் பின்பற்றாதது மற்றும் இடஒதுக்கீடு வாரியாகத் தெளிவான முடிவுகளை வெளியிடாதது தகுதி வாய்ந்த தேர்வர்களின் வாய்ப்பைப் பறிக்கும் செயல் என அந்த மனுவில் வாதிடப்பட்டுள்ளது.

​இந்தக் குளறுபடிகள் காரணமாக, தற்போது நடந்து முடிந்த உதவி ஆய்வாளர் தேர்வை ரத்து செய்துவிட்டு, மீண்டும் முறையான பாடத்திட்டத்தின்படி புதிய தேர்வை நடத்த வேண்டும் என்று கோரிக்கை விடுக்கப்பட்டுள்ளது. ஆயிரக்கணக்கான இளைஞர்களின் எதிர்காலம் சம்பந்தப்பட்ட இந்த விவகாரத்தில், உயர்நீதிமன்றம் என்ன மாதிரியான அதிரடி உத்தரவைப் பிறப்பிக்கப் போகிறது என்பதைத் தேர்வர்கள் மிகுந்த எதிர்பார்ப்புடன் காத்துக் கொண்டிருக்கின்றனர். ஒருபுறம் ரிசல்ட் வந்த சந்தோஷத்தில் சிலர் இருந்தாலும், மறுபுறம் நீதிக்காக நீதிமன்றம் சென்றிருக்கும் இந்த விவகாரம் டிஎன்பிஎஸ்சி மற்றும் சீருடைப் பணியாளர் தேர்வாணைய வட்டாரத்தில் பெரும் பரபரப்பைக் கிளப்பியுள்ளது.