விமானத்தில் 35,000 அடி உயரத்தில் ஒரு குழந்தை பிறப்பது கேட்பதற்கே வியப்பாக இருக்கிறது அல்லவா? இப்படிப் பிறக்கும் குழந்தையின் குடியுரிமை எதை வைத்துத் தீர்மானிக்கப்படுகிறது என்பது பலருக்கும் இருக்கும் ஒரு பெரிய சந்தேகம்.

பொதுவாக, ஒரு குழந்தை எந்த நாட்டின் வான்வெளியில் பிறக்கிறதோ அந்த நாட்டின் சட்டங்கள் அல்லது அந்த விமானம் எந்த நாட்டில் பதிவு செய்யப்பட்டுள்ளதோ அந்த நாட்டின் சட்டங்கள் அடிப்படையில் குடியுரிமை வழங்கப்படலாம்.

உதாரணமாக, அமெரிக்கா போன்ற நாடுகள் தங்கள் நாட்டு எல்லைக்குள் அல்லது தங்கள் நாட்டு விமானத்தில் குழந்தை பிறந்தால் அதற்கு நேரடி குடியுரிமை வழங்குகின்றன.

இருப்பினும், பெரும்பாலான நாடுகள் குழந்தையின் பெற்றோரின் குடியுரிமையையே முதன்மையாகக் கொள்கின்றன. இதனை ‘ரத்த வழி உரிமை’என்று அழைப்பார்கள்.

ஒருவேளை இந்தியா போன்ற நாடுகளைச் சேர்ந்த தம்பதியினர் வெளிநாட்டு விமானத்தில் பயணம் செய்யும்போது குழந்தை பிறந்தால், அந்த நாடு பிறப்பு வழி குடியுரிமையை அனுமதித்தால் மட்டுமே அந்த குழந்தைக்கு அந்த நாட்டின் பாஸ்போர்ட் கிடைக்கும்.

இல்லையெனில், பெற்றோரின் நாடே அந்தக் குழந்தைக்குத் தன் நாட்டு குடியுரிமையை வழங்கும். இதனால் சில குழந்தைகளுக்கு இரண்டு அல்லது மூன்று நாடுகளின் குடியுரிமை கிடைக்கக்கூட வாய்ப்பு உள்ளது.

சர்வதேச அளவில் இதற்கு என்று தனிப்பட்ட பொதுவான சட்டம் ஏதும் இல்லை; ஒவ்வொரு நாட்டின் உள்நாட்டு சட்டங்களே இதைப் தீர்மானிக்கின்றன.

பிரான்ஸ் போன்ற நாடுகள் தங்கள் வான்வெளியில் குழந்தை பிறந்தால் குடியுரிமை அளிக்கின்றன, அதேபோல் சர்வதேச கடற்பரப்பிற்கு மேல் பறக்கும்போது குழந்தை பிறந்தால், அந்த விமானம் எந்த நாட்டுக்குச் சொந்தமானதோ அந்த நாட்டின் சட்டம் அமலுக்கு வரும்.

சுருக்கமாகச் சொன்னால், வானத்தில் பிறக்கும் குழந்தையின் தேசியம் என்பது வான்வெளி, விமானத்தின் பதிவு மற்றும் பெற்றோரின் குடியுரிமை ஆகிய மூன்றையும் பொறுத்தே அமைகிறது.