பல ஆண்டுகளாக வணிக ரீதியான விளம்பரங்களில் இருந்து ஒதுங்கியிருந்த நடிகர் அஜித் குமார், இப்போது மீண்டும் விளம்பரத் திரையில் தோன்றியிருப்பது அவரது ரசிகர்களுக்குப் பெரும் ஆச்சரியத்தையும் உற்சாகத்தையும் தந்துள்ளது. ரிலையன்ஸ் கன்ஸ்யூமர் புரோடக்ட்ஸ் நிறுவனத்தின் ‘காம்பா எனர்ஜி’ (Campa Energy) பிராண்டிற்காக அவர் நடித்துள்ள இந்த விளம்பரம் சமூக வலைதளங்களில் காட்டுத்தீயாகப் பரவி வருகிறது. இது வெறும் நடிப்புடன் மட்டும் நின்றுவிடாமல், அஜித்தின் ‘ஏகே ரேசிங்’ (AK Racing) குழுவுடன் ரிலையன்ஸ் நிறுவனம் ஒரு நீண்டகால ஒப்பந்தத்தைச் செய்துள்ளது. இதன் மூலம் ஏகே ரேசிங் குழுவின் அதிகாரப்பூர்வ ‘எனர்ஜி பார்ட்னராக’ காம்பா எனர்ஜி செயல்படும் என்று அறிவிக்கப்பட்டுள்ளது.

​அஜித்தின் வேகம் மற்றும் துணிச்சலுக்குப் பெயர்பெற்ற ‘ரேசிங்’ துறையையும், ஒரு எனர்ஜி பானத்தையும் இணைத்திருப்பது மிகவும் புத்திசாலித்தனமான ஒரு மார்க்கெட்டிங் உத்தியாகப் பார்க்கப்படுகிறது. விளம்பரங்களில் அஜித் தோன்றுவது அரிது என்பதால், இந்த ஒப்பந்தம் ‘காம்பா’ பிராண்டிற்கு மிகப்பெரிய ரீச் கொடுக்கும் என்பதில் சந்தேகமே இல்லை. ரிலையன்ஸ் போன்ற ஒரு கார்ப்பரேட் ஜாம்பவானும், அஜித்தின் தொழில்முறை ரேசிங் குழுவும் இணைந்து செயல்படுவது, எதிர்காலத்தில் விளையாட்டு மற்றும் வணிகத் துறையில் ஒரு புதிய மைல்கல்லாக அமையும் என்று எதிர்பார்க்கப்படுகிறது.