திருமணம் என்றாலே, மணமக்கள் தங்கள் சிறப்புமிக்க அந்த நாளை நினைவில் நிலைநிறுத்தும் வகையில், அதன் ஒவ்வொரு நிகழ்வையும் புகைப்படமாகவும், காணொளியாகவும் பதிவு செய்ய வேண்டும் என்பதில் மிகவும் ஆர்வமாக இருப்பார்கள். வாழ்க்கையின் முக்கியப் பகுதியான திருமணத்தின்போது, காதலும், அழகான உணர்ச்சிகளும் மட்டுமல்லாமல், சில சமயம் நகைச்சுவை கலந்த வேடிக்கையான தருணங்களும் பதிவாகி, பார்ப்பவர்களைச் சிரிப்பில் ஆழ்த்தி விடுகின்றன.
View this post on Instagram
அந்த வகையில், ஒரு திருமண வரவேற்பு விழாவில் எடுக்கப்பட்ட காணொளி ஒன்று சமூக வலைத்தளங்களில் தற்போது விவாதப் பொருளாகி, பலரின் புன்னகையை வரவழைத்துள்ளது. இந்தக் காணொளியில், மணமகனும் மணமகளும் நடனத் தளத்தில் நிற்கும்போது, அவர்களைச் சுற்றியுள்ள விருந்தினர்களை மீறி, இரண்டு இளைஞர்கள் திடீரெனப் பின்னால் வந்து, தங்கள் சொந்த பாணியில் மகிழ்ச்சியுடன் உற்சாகமாக நடனமாடத் தொடங்குகின்றனர்.
சுற்றி எத்தனை பேர் இருக்கிறார்கள் என்பதைப் பற்றிக் கவலைப்படாமல், இந்த இரு இளைஞர்களும் ஆடல் அரங்கேற்றியதுதான் அந்தக் காணொளியின் சிறப்பம்சம். இந்த வீடியோ ‘@prakhar\twenty1’ மற்றும் ‘harsh\\_singh7925’ என்ற இரண்டு இன்ஸ்டாகிராம் கணக்குகளில் பகிரப்பட்டு, விரைவாகப் பரவி வருகிறது. இந்த இரு சிறுவர்கள் தங்கள் தனித்துவமான நடனத்தின் மூலம், திருமணத்தின் முக்கிய நிகழ்வான மணமக்களின் நடனத்தை விட அதிகக் கவனத்தை ஈர்த்தனர் எனப் பயனர்கள் பலர் வேடிக்கையான கருத்துகளைப் பதிவிட்டு வருகின்றனர்.
