பொதுவாகவே, குரங்குகளின் சேட்டைகள் அடங்காதவை. அந்த வகையில், ஒரு குரங்கு மின் கம்பத்தில் (Electric Pole) ஏறி அதைக் கடுமையாக அசைத்து, ஷார்ட் சர்க்யூட்டை (Short Circuit) ஏற்படுத்தும் வீடியோ ஒன்று சமூக வலைத்தளங்களில் வைரலாகி, அனைவரையும் ஆச்சரியத்தில் ஆழ்த்தியுள்ளது. இந்தக் குரங்கின் சேட்டை காரணமாக அந்தப் பகுதி முழுவதுமே மின்சாரம் துண்டிக்கப்பட்டுள்ளது (Blackout).
இந்த வீடியோவில், ஒரு குரங்கு மின் கம்பத்தின் மீது ஏறி அதை வேகமாக அசைப்பதைப் பார்க்க முடிகிறது. குரங்கு ஆட்டியதால், மின்சார வயர்கள் (Wires) ஒன்றோடொன்று மோதி, பெரிய ஷார்ட் சர்க்யூட் ஏற்பட்டு, தீப்பொறிகள் சிதறுகின்றன.
View this post on Instagram
ஆனால், அதோடு நிற்காத அந்தக் குரங்கு, மக்களைச் சீண்டிப் பார்ப்பதற்காக மீண்டும் கம்பத்தின் மீது ஏறி, இரண்டாவது முறையும் ஷார்ட் சர்க்யூட் ஏற்படச் செய்துவிட்டுத் தப்பி ஓடுகிறது.
இந்தக் குறும்புத்தனமான வீடியோவுக்குப் பலரும் வேடிக்கையாகக் கருத்துத் தெரிவித்துள்ளனர். ஒருவர், “இலவச லைன்மேன் (Lineman) வந்து லோட் டெஸ்ட் (Load Test) பார்க்கிறார்” என்றும், மற்றவர் “இந்தக் குரங்குக்கு இந்தப் பகுதியினருடன் என்னவோ பழையப் பகை போல!” என்றும் கமெண்ட் செய்துள்ளனர்.
