வரும் சட்டமன்ற தேர்தலுக்கான முன்னோடியான நடவடிக்கைகளில் தீவிரமாக செயல்பட்டு வரும் தமிழக வெற்றி கழகம், மாநிலம் முழுவதும் 12,500 இடங்களில் கொள்கை விளக்க பொதுக்கூட்டங்களை நடத்த திட்டமிட்டுள்ளது.

இதனை முன்னிட்டு, சென்னை tvk தலைமை அலுவலகத்தில் இன்று ஆலோசனை மற்றும் பயிற்சி கூட்டம் நடைபெற்றது. இதில் கட்சித் தலைவர் விஜயின் அறிவுறுத்தலின் பேரில், மாநில, மாவட்ட நிர்வாகிகள், கொள்கை பரப்பணி குழுவினர் மற்றும் நியமிக்கப்பட உள்ள புதிய பேச்சாளர்கள் பங்கேற்றனர்.

இந்த கூட்டத்தில், தேர்தல் நெருங்கும் சூழலில் எந்தெந்த விஷயங்களை மேடையில் பேச வேண்டும், யாரை எவ்வாறு விமர்சிக்க வேண்டும், பொதுமக்களிடம் கட்சியின் அடித்தள கொள்கைகள் மற்றும் நோக்கங்களை எவ்வாறு எடுத்துச்செல்ல வேண்டும் என்பதற்கான தெளிவான வழிகாட்டுதல்கள் வழங்கப்பட்டன.

மக்கள் சந்திப்பை அடிப்படையாகக் கொண்ட தலைவரின் சுற்றுப்பயணத்திற்கு முன்னதாக, இந்த கூட்டங்கள் வாக்காளர்களிடையே நேரடி உறவுச் சுருங்கத்தை ஏற்படுத்தும் வலுவான மேடையாக இருக்க வேண்டுமென்பதே நோக்கமாகும்.

தற்போது வரை 120 மாவட்டங்களுக்கு உட்பட்ட 12,500 கிராமங்களில் இந்த கூட்டங்கள் நடத்தப்படும் என திட்டமிடப்பட்டுள்ளது. இந்த வாயிலாக, தவெக தனது கொள்கை, சமூக நீதி குறித்து மக்களுக்கு நேரடியாக தெளிவுபடுத்தும் முயற்சியில் இறங்கியுள்ளது. வரும் தேர்தலை முன்னிட்டு  வாக்காளர்களிடம் உறுதியும் நம்பிக்கையும் ஏற்படுத்த, தவெக  தரப்பில் நடைபெறும் இந்த பணிகள் ஒரு புதிய அரசியல் நகர்வாக பார்க்கப்படுகிறது.