ராணிப்பேட்டை மாவட்டத்திலுள்ள அரக்கோணத்தில் 17 வயது சிறுமி வசித்து வருகிறார். கடந்த 2021-ஆம் ஆண்டு உடல் நலக்குறைவால் பாதிக்கப்பட்ட சிறுமியை பெற்றோர் மருத்துவமனைக்கு சிகிச்சைக்காக அழைத்து சென்றனர். அங்கு சிறுமியை பரிசோதனை செய்த டாக்டர்கள் அவர் ஆறு மாத கர்ப்பமாக இருப்பதாக தெரிவித்தனர்.

இதுகுறித்து விசாரித்த போது அதே பகுதியை சேர்ந்த இரண்டு சிறுவர்கள் உட்பட 10 பேர் சிறுமியை கூட்டு பாலியல் பலாத்காரம் செய்தது தெரியவந்தது. இந்த வழக்கில் 8 பேரை போலீசார் கைது செய்தனர். இந்த வழக்கினை விசாரித்த மாவட்ட முதன்மை நீதிமன்றம் முக்கிய குற்றவாளிகளான ஜான் மற்றும் மூர்த்தி ஆகிய இருவருக்கும் தலா 20 ஆண்டுகள் ஜெயில் தண்டனையும், பத்தாயிரம் ரூபாய் அபராதமும் விதித்து உத்தரவிட்டது. இந்த வழக்கில் தொடர்புடைய மற்ற ஆறு பேர் விடுதலை செய்யப்பட்டனர்.