மின்சாரத் துறையில் நிலுவையில் உள்ள பிரச்சனைகளுக்கு முற்றுப்புள்ளி வைக்கும் வகையில், மின்துறையில் விரைவில் 15,000 புதிய பணியிடங்கள் அதிரடியாக நிரப்பப்படும் என்று மின்துறை அமைச்சர் நிர்மல் குமார் மிகப்பெரிய அறிவிப்பை வெளியிட்டுள்ளார். மேலும், மின்வாரிய ஊழியர்களுக்கான பதவி உயர்வுகள் இனி எவ்வித தாமதமும் இன்றி உடனுக்குடன் வழங்கப்படும் என்றும், பணியிட மாற்றங்கள் (Transfer) அனைத்தும் முற்றிலும் நேர்மையான முறையில் லஞ்ச ஊழலின்றி நடைபெறும் என்றும் அவர் உறுதி அளித்துள்ளார்.

கடந்த 45 ஆண்டு கால மின்சாரத் துறை வரலாற்றிலேயே இது போன்ற அதிரடி பதவி உயர்வுகளும் நேர்மையான நடவடிக்கைகளும் நடந்ததே இல்லை என்று பெருமிதத்துடன் குறிப்பிட்ட அமைச்சர், மின்துறை சந்தித்த சவால்களையும் வெளிப்படையாக உடைத்துள்ளார். ​அவர் பேசுகையில், “நான் இந்தத் துறையின் அமைச்சராகப் பதவியேற்கும் போது மின்துறையின் கடன் ரூ.1.5 லட்சம் கோடியாக இருக்கும் என்றுதான் நினைத்தேன், ஆனால் உண்மையில் ரூ.2.5 லட்சம் கோடி அளவிற்கு இமாலயக் கடன் உள்ளது” என்று கூறி அதிர வைத்தார்.

மேலும், இன்னும் கொஞ்ச நாள் இந்தத் துறையைக் கவனிக்காமல் விட்டிருந்தால் ஒட்டுமொத்த மின்துறையும் முற்றிலும் தனியார்மயமாகி இருக்கும் என்றும், இது மிகவும் சவாலான துறை என்றும் அவர் காரசாரமாகத் தெரிவித்துள்ளார். சோசியல் மீடியாவில் காட்டுத்தீயாய் பரவி வரும் அமைச்சர் நிர்மல் குமாரின் இந்த அதிரடிப் பேச்சு, அரசு வேலைக்காகக் காத்திருக்கும் இளைஞர்கள் மற்றும் மின்வாரிய ஊழியர்கள் மத்தியில் தற்சமயம் மிகப்பெரிய வரவேற்பையும் பரபரப்பையும் கிளப்பியுள்ளது.