தமிழ் சினிமாவின் முன்னணி நடிகராக திறந்து கொண்டிருக்கும் நடிகர் விஜய் கடந்த சில மாதங்களுக்கு முன்பு தமிழக வெற்றிக்கழகம் என்ற புதிய கட்சியை தொடங்கிய நிலையில் 2026 ஆம் ஆண்டு தேர்தலில் போட்டியிட உள்ளார். இதற்கான பணிகளை தற்போது அவர் மேற்கொண்டு வரும் நிலையில் சேலத்தில் முதல் மாநாடு நடைபெற உள்ளதாகவும் தகவல் வெளியாகி உள்ளது.

இந்த நிலையில் நடிகர் விஜய் தொடங்கியுள்ள கட்சியில் பணியாற்ற அவர் என்னை அழைத்தால் செல்வேன் என்று இயக்குனர் அமீர் பேட்டியளித்துள்ளார். திருச்சியில் செய்தியாளர்களை சந்தித்து பேசிய அமீர், இப்போ இருக்கிற நெருக்கடிக்கு அரசியலுக்கு வந்தாலும் வரலாம். என்னுடைய உள்ளுணர்வு அதுதான் சொல்கிறது. விஜய் என்னை அழைத்தால் அவருடன் நான் செல்வேன். சீமானும் விஜயும் ஒன்றாக இணைந்து செயல்பட உள்ளதாக சொல்லப்படுகிறது. அப்படி நடந்தால் மகிழ்ச்சி தான் என்று அமீர் கூறியுள்ளார்