தமிழக சட்டமன்றத் தேர்தலில் தமிழக வெற்றிக் கழகம் (தவெக) ஈட்டியுள்ள பிரம்மாண்ட வெற்றியைத் தொடர்ந்து, நடிகர் ரஜினிகாந்த் அவர்கள் தனது வாழ்த்துகளைப் பகிர்ந்துள்ளார்.

இது தொடர்பாக அவர் வெளியிட்டுள்ள எக்ஸ் (X) சமூக வலைதளப் பதிவில், “நடந்து முடிந்த தமிழக சட்டமன்றத் தேர்தலில் பெரும் வெற்றி பெற்றுள்ள தமிழக வெற்றிக் கழகத் தலைவர் விஜய் அவர்களுக்கும், அவரது கட்சியினருக்கும் எனது மனமார்ந்த வாழ்த்துகள்” என நெகிழ்ச்சியுடன் குறிப்பிட்டுள்ளார்.

சூப்பர் ஸ்டார் ரஜினிகாந்தின் இந்த வாழ்த்து அரசியல் மற்றும் திரைத்துறையில் பெரும் பரபரப்பை ஏற்படுத்தியுள்ளது. ஏற்கனவே ராகுல் காந்தி, அஜித், ஏ.ஆர்.ரஹ்மான் எனப் பல ஆளுமைகள் விஜய்க்கு வாழ்த்து மழையைப் பொழிந்து வரும் வேளையில், ரஜினியின் இந்த நேரடி வாழ்த்து தவெக தொண்டர்களுக்கு கூடுதல் உற்சாகத்தைத் தந்துள்ளது.

ஒரு புதிய அரசியல் சக்தியாக உருவெடுத்துள்ள விஜய்யின் பயணத்தை மூத்த கலைஞர் என்ற முறையில் ரஜினிகாந்த் அங்கீகரித்துள்ளது ஆரோக்கியமான ஒன்றாகப் பார்க்கப்படுகிறது.