தமிழ் சினிமாவின் நட்சத்திர நடிகர்களான தளபதி விஜய் மற்றும் நடிகை திரிஷா ஆகியோர் தொடர்பான செய்திகளும், வதந்திகளும் சமூக வலைதளங்களில் எப்போதும் பெரும் பேசுபொருளாக இருந்து வருகின்றன. இவர்கள் இருவரும் இணைந்து பல வெற்றிப் படங்களில் ஜோடியாக நடித்துள்ள நிலையில், சமீபகாலமாகச் சில முக்கிய பொது நிகழ்ச்சிகளிலும் ஒன்றாகப் பங்கேற்று வருவது ரசிகர்கள் மத்தியில் பெரும் கவனத்தைப் பெற்றுள்ளது.
இந்தச் சூழ்நிலையில், நடிகை திரிஷாவின் அதிகாரப்பூர்வ இன்ஸ்டாகிராம் பக்கத்தில் இருந்து ஒரு பதிவு வெளியிடப்பட்டதாகக் கூறி ஸ்கிரீன்ஷாட் ஒன்று சமூக வலைதளங்களில் மிக வேகமாகப் பரவி வருகிறது. அந்த ஸ்கிரீன்ஷாட்டில், “ஹாப்பி ரக்ஷா பந்தன் விஜய்” என்று குறிப்பிடப்பட்டு விஜய் மற்றும் திரிஷாவின் புகைப்படம் இடம்பெற்றுள்ளது போன்ற காட்சி அனைவரையும் அதிர்ச்சியடைய வைத்துள்ளது.
ரக்ஷா பந்தன் பண்டிகையை முன்னிட்டு சகோதரத்துவத்தை உணர்த்தும் வகையில் திரிஷா இந்தப் பதிவை வெளியிட்டதாகக் கூறி, அந்த ஸ்கிரீன்ஷாட்டை விஜய் மற்றும் திரிஷாவின் ரசிகர்கள் சமூக வலைதளங்களில் வைரலாகப் பகிர்ந்து வருகின்றனர். இதனால் விஜய் – திரிஷா இருவரின் நட்பு மற்றும் உறவு குறித்து இணையத்தில் மீண்டும் காரசாரமான விவாதங்களும் கருத்துகளும் எழத் தொடங்கியுள்ளன.
இருப்பினும், இந்த ஸ்கிரீன்ஷாட் உண்மையிலேயே திரிஷாவின் இன்ஸ்டாகிராம் பக்கத்தில் இருந்து பதிவிடப்பட்டதா அல்லது யாரேனும் போலி ஆப்ஸ்கள் மூலம் எடிட் செய்து வதந்தியைப் பரப்ப உருவாக்கிய புகைப்படமா என்பது குறித்து உறுதியான தகவல்கள் வெளியாகவில்லை. இருப்பினும், சமூக வலைதளங்களில் தீயாய் பரவி வரும் இந்தச் சம்பவம் தற்போது இணையவாசிகளிடையே பெரும் பரப்பரப்பை ஏற்படுத்தியுள்ளது.
