கடவுள் கூட உங்களை மன்னிக்க மாட்டார் என கம்பீரை கடுமையாக விளாசியுள்ளார் ஸ்ரீசாந்த்..

லெஜண்ட் லீக் கிரிக்கெட்டில் இந்தியா கேபிடல்ஸ் மற்றும் குஜராத் ஜெயண்ட்ஸ் அணிகளுக்கு இடையேயான ஆட்டத்தின் போது கம்பீர் மற்றும் ஸ்ரீசாந்த் இடையே வாக்குவாதம் ஏற்பட்டது. சிக்ஸர் மற்றும் பவுண்டரி அடித்த பிறகு கம்பீரிடம் ஸ்ரீசாந்த் சில வார்த்தைகளை கூறினார். இதற்கு பதிலடியாக, கம்பீர் ஸ்ரீசாந்தை ஆக்ரோஷ பார்வை மற்றும் பதிலடியுடன் தாக்கினார். மேலும் நடுவர்கள் தலையிட்டு நிலைமையைக் கட்டுக்குள் கொண்டுவருவதற்கு முன்பு இரு வீரர்களும் சில வார்த்தைகளை பரிமாறிக்கொண்டனர்.

ஸ்ரீசாந்த் பின்னர் தனது சமூக ஊடக கணக்குகளில் 2 வீடியோக்களை வெளியிட்டார், அதில் கம்பீர் தன்னை “ஃபிக்ஸர்” என்று அழைத்ததாகவும், மேலும் அவர் குறித்த குற்றச்சாட்டுகளையும் கூறினார்.

இன்ஸ்டாவில் தனது 2வது வீடியோவில் ஸ்ரீசாந்த், கெளதம் கம்பீர் தன்னை ‘பிக்சர்’ என்று அழைத்ததாகக் கூறினார். கம்பீர் மீது கடுமையான குற்றச்சாட்டுகளை முன்வைத்த அவர், நான் அவரைப் பற்றி ஒரு கெட்ட வார்த்தையையோ அல்லது இழிவான வார்த்தையையோ கூட நான் பயன்படுத்தவில்லை. நான், “என்ன சொல்கிறாய்? என்ன சொல்கிறாய்?” என்றேன். அவர் என்னை “ஃபிக்ஸர், ஃபிக்ஸர், நீங்கள் ஒரு ஃபிக்ஸர்…” என்று தொடர்ந்து அழைத்ததால் நான் கிண்டலாக சிரித்தேன்” என்றார்.

மேலும் நடுவர்கள் அவரைக் கட்டுப்படுத்த முயன்றபோது அவர் அதே மொழியில் பேசினார்,” “என் தரப்பிலிருந்து, நான் எந்த கெட்ட வார்த்தையையும் பயன்படுத்தவில்லை, தயவுசெய்து உண்மையான உண்மையை ஆதரிக்கவும். அவர் அதை நிறைய பேருடன் செய்து வருகிறார். அவர் அதை ஏன் தொடங்கினார் என்று எனக்குத் தெரியவில்லை, அது ஓவரின் முடிவு.

இப்போது அவரது மக்கள் சிக்ஸர் சிக்ஸர் போலா ஹை ஆனால் அன்ஹோன் போலா யூ ஃபிக்ஸர், து ஃபிக்ஸர் ஹை என்று சொல்கிறார்கள் (அவர் சிக்ஸர் சிக்ஸர் என்று சொன்னார்கள் ஆனால் நீங்கள் ஒரு ஃபிக்ஸர் என்று அவருடைய மக்கள் கூறுகிறார்கள்). இது பேசுவது முறையல்ல. நான் அதை (சம்பவத்தை) இங்கே விட்டுவிட நினைக்கிறேன், ஆனால் அவரது மக்கள் அவரை காப்பாற்ற முயற்சிக்கிறார்கள். கூடுதல் ஊதியம் பெறும் PR பணிக்கு விழ வேண்டாம் என அனைவரையும் கேட்டுக்கொள்கிறேன்,” என்று கூறினார்.

போட்டி முடிந்ததும் ஸ்ரீசாந்த் வெளியிட்ட முதல் வீடியோவில், மிஸ்டர் ஃபைட்டருடன் (கம்பீர்) என்ன நடந்தது என்பது பற்றி நான் தெளிவுபடுத்த விரும்புகிறேன். மிஸ்டர் ஃபைட்டர் எந்த காரணமும் இல்லாமல் தனது அணியினர் அனைவருடனும் சண்டையிடுகிறார். வீரு பாய் (வீரேந்திர சேவாக்) மற்றும் பல வீரர்களை அவர் தனது மூத்த வீரர்களை மதிக்கவில்லை. அதுதான் நடந்தது. இன்றும் அதேதான் நடந்தது. மீண்டும் மீண்டும் என்னைத் தூண்டிவிட்டு, கெளதம் கம்பீர் சொல்லக் கூடாத, அநாகரீகமான விஷயங்களைச் சொல்லிக்கொண்டே இருந்தார். ‘கெளதம் கம்பீர் அப்படி சொல்லியிருக்கக் கூடாது.’

கம்பீரின் வார்த்தைகளால் தானும் தனது குடும்பத்தினரும் காயப்பட்டதாக ஸ்ரீசாந்த் கூறினார். மேலும் கெளதம் கம்பீர் கூறியதை (ஃபிக்ஸர்) விரைவில் வெளியிடுவேன் என்று ஸ்ரீசாந்த் கூறினார். மேலும் அவர் ‘என் மீது எந்த தவறும் இல்லை. முழு சூழ்நிலையையும் தெளிவுபடுத்த விரும்புகிறேன். கௌதி என்ன செய்தார் என்பதை விரைவில் அல்லது பின்னர் நீங்கள் அனைவரும் அறிவீர்கள். கிரிக்கெட் மைதானத்தில் அவர் பயன்படுத்திய வார்த்தைகளும், பேசிய விஷயங்களும் ஏற்றுக்கொள்ள முடியாதவை.  எனது குடும்பம், எனது மாநிலம், அனைவரும் மிகவும் பாதிக்கப்பட்டுள்ளனர். நான் என் குடும்பத்துடன் நிறைய கடந்து வந்திருக்கிறேன். உங்களின் ஆதரவுடன் நான் தனித்து போராடினேன். இப்போது சிலர் காரணமே இல்லாமல் என்னை அவமானப்படுத்த நினைக்கிறார்கள். அவர் என்ன சொன்னார் என்பதை நான் நிச்சயமாக உங்களுக்கு சொல்கிறேன். தான் எதிர்பார்க்காத விஷயங்களை களத்தில் கம்பீர் குறிப்பிட்டார்” என்றார்.