பாஜக கட்சியின் மூத்த தலைவர் எச். ராஜா திமுக கட்சியை விமர்சித்து ஒரு எக்ஸ் பதிவை போட்டுள்ளார். அதில் கூறப்பட்டிருப்பதாவது, திமுக தலைவர் திரு. ஸ்டாலின் அவர்கள் 2021 தேர்தல் அறிக்கையில் திமுக ஆட்சிக்கு வந்தால் விவசாயக்கடன் தள்ளுபடி, நகைக்கடன் தள்ளுபடி, கல்விக்கடன் தள்ளுபடி என வாக்குறுதி அளித்திருந்தார். திமுக ஆட்சிக்கு வந்து நான்கு ஆண்டுகள் ஆகிவிட்டது. திமுக அரசு எந்த கடனையும் இதுவரை தள்ளுபடி செய்யவில்லை மாறாக தேர்தலில் அளித்த வாக்குறுதிகளைத்தான் தள்ளுபடி செய்திருக்கிறது.

தேர்தலில் வெற்றி பெறுவதற்காக திமுக எத்தனை பொய்களை வேண்டுமானாலும் சொல்லும்! ஆட்சிக்கு வந்த பின்பு தேர்தலில் சொன்ன பொய்களை மறைக்க எத்தகைய பொய்களை வேண்டுமானாலும் சொல்லும்! பொய்யிலே பிறந்து பொய்யிலே வளர்ந்த போலியான அரசியல் இயக்கம் திமுக. தட்டினால் தங்கம்! வெட்டினால் வெள்ளி! என வாயால் வடை சுட்டு வார்த்தை ஜாலங்களால் ஆட்சியை பிடித்த ஏமாற்றுப் பேர்வழிகள் தானே இந்த திராவிட மாடல் கும்பல். அண்ணாதுரை காலம் தொட்டே திமுக வரலாறு அப்படி!!