“தமிழக மக்களின் முக்கியப் பிரச்சினைகள் குறித்துப் பேசக் கூடாது என்று மேலிருந்து உத்தரவு ஏதும் வந்துவிட்டதா?” எனத் திமுக இளைஞரணி செயலாளரும் அமைச்சருமான உதயநிதி ஸ்டாலின் மற்றும் அதிமுக பொதுச்செயலாளர் எடப்பாடி பழனிசாமி ஆகியோருக்குக் காங்கிரஸ் நாடாளுமன்ற உறுப்பினர் மாணிக்கம் தாகூர் காரசாரமாகக் கேள்வி எழுப்பியுள்ளார்.

இது குறித்து அவர் தனது எக்ஸ் (X) சமூக வலைதளப் பக்கத்தில் வெளியிட்டுள்ள பதிவில், நீட் (NEET) தேர்வு வினாத்தாள் கசிவு விவகாரத்தால் லட்சக்கணக்கான மாணவர்களின் எதிர்காலக் கனவு சிதறி வருவதாகவும், மற்றொரு புறம் 4-ஆவது முறையாகப் பெட்ரோல் விலை உயர்த்தப்பட்டுச் சாமானிய மக்கள் தினசரி கடுமையான சுமையைச் சந்தித்து வருவதாகவும் சுட்டிக்காட்டியுள்ளார்.

இத்தகைய இக்கட்டான சூழலில், எப்போதும் பேசும் மக்கள் தலைவர்கள் என்று தங்களைக் கூறிக்கொள்பவர்கள் தற்போது ‘டீப் சைலன்ஸ்’ (Deep Silence) பயன்முறையில் மௌனம் காப்பது ஏன் என்று சாடியுள்ள அவர், மக்கள் பிரச்சினை என்று வரும்போது அமைதி காப்பதும், அரசியல் என்று வரும்போது மட்டும் மைக்கைப் பிடிக்கப் போட்டி போடுவதும் ஏன் என்று தமிழக மக்கள் கேள்வி எழுப்புவதாகக் குறிப்பிட்டுள்ளார்.

“>

 

டெல்லி மற்றும் தமிழக அரசியல் அரங்கில் அடுத்தடுத்து வெடிக்கும் கூட்டணிக் குளறுபடிகளுக்கு மத்தியில், மாணிக்கம் தாகூரின் இந்த அதிரடி அறிக்கை தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது