தமிழக முதலமைச்சராகப் பொறுப்பேற்றதற்குப் பிறகு, முதன்முறையாக அரசு முறைப் பயணமாக முதலமைச்சர் விஜய் வெளிநாடு செல்லத் திட்டமிட்டுள்ளார். தொழில் முதலீடுகளை ஈர்ப்பதற்காகச் செப்டம்பர் 10-ஆம் தேதி அவர் பிரிட்டன் புறப்பட்டுச் செல்லவுள்ளதாகத் தகவல்கள் வெளியாகியுள்ளன. செப்டம்பர் 16-ஆம் தேதி வரை மேற்கொள்ளப்படும் இந்த 6 நாள் சுற்றுப்பயணத்தில், பிரிட்டனில் உள்ள முன்னணித் தொழில் நிறுவனங்களின் முதலீட்டாளர்கள் மற்றும் வர்த்தகப் பிரமுகர்களை அவர் நேரில் சந்தித்துப் பேச்சுவார்த்தை நடத்தவுள்ளார்.
முதலமைச்சரின் இந்த அதிரடி பிரிட்டன் பயணம், தமிழ்நாட்டின் தொழில் வளர்ச்சியை அடுத்த கட்டத்திற்கு எடுத்துச் செல்லும் என எதிர்பார்க்கப்படுகிறது. அதே நேரத்தில், மற்றொரு முக்கிய நகர்வாகத் தமிழகத் தொழில் துறை அமைச்சர் கீர்த்தனாவும் புதிய முதலீடுகளை ஈர்ப்பதற்காகத் தைவான் நாட்டிற்குப் பயணம் மேற்கொள்ளவுள்ளதாகக் கூறப்படுகிறது. ஆசிய நாடுகளின் முன்னணி நிறுவனங்களைச் சந்தித்துத் தமிழ்நாட்டில் தொழில் தொடங்க அழைப்பு விடுக்கவே இந்தச் சிறப்புச் சுற்றுப்பயணம் திட்டமிடப்பட்டுள்ளது.
முதலமைச்சர் விஜய் மற்றும் அமைச்சர் கீர்த்தனா மேற்கொள்ளவுள்ள இந்த அடுத்தடுத்த வெளிநாட்டுப் பயணங்கள், தமிழகத்தில் வேலைவாய்ப்புகளைப் பெருக்கவும், புதிய தொழில் திட்டங்களைக் கொண்டு வரவும் பெரும் உதவியாக இருக்கும் எனக் கருதப்படுகிறது. தவெக அரசின் இந்த வேகமான செயல்பாடுகளும் தொழில் துறை நடவடிக்கைகளும் கட்சித் தொண்டர்கள் மற்றும் பொதுமக்கள் மத்தியில் பெரும் வரவேற்பையும் எதிர்பார்ப்பையும் ஏற்படுத்தியுள்ளன.
