தொழில்நுட்ப உலகில் பெரும் அதிர்ச்சியை ஏற்படுத்தியுள்ள மைக்ரோசாப்ட் நிறுவனத்தின் இந்த அதிரடி முடிவு, ஆயிரக்கணக்கான ஊழியர்களின் வாழ்வாதாரத்தைப் பாதித்துள்ளது. தான் வளர்த்தெடுத்த நிறுவனமே தனக்கு எதிராகத் திரும்பிய கதையாக, ‘பணத்தைப் பெற்றுக்கொண்டு தாங்களாகவே ராஜினாமா செய்யுங்கள்’ என்று அந்நிறுவனம் தனது ஊழியர்களுக்கு அறிவுறுத்தியுள்ளது.
இது குறிப்பாக, செயற்கை நுண்ணறிவு போன்ற புதிய தொழில்நுட்பங்களின் வருகையால், பாரம்பரியப் பணிகளில் இருந்தவர்களின் தேவை குறைந்து வருவதே இந்த ஆட்குறைப்பு நடவடிக்கைக்கு முக்கியக் காரணமாகக் கூறப்படுகிறது.
இந்த வெளியேற்றப் படலத்தில் சுமார் ஆயிரக்கணக்கான ஊழியர்கள் வீட்டிற்கு அனுப்பப்பட உள்ளனர். நிறுவனத்தின் வளர்ச்சிக்கு இரவு பகலாக உழைத்த பணியாளர்களுக்கு, ஒரு குறிப்பிட்ட தொகையை இழப்பீடாக வழங்கிவிட்டு வெளியேறுமாறு நிர்வாகம் அழுத்தம் கொடுத்து வருவது ஊழியர்களிடையே பெரும் கவலையை ஏற்படுத்தியுள்ளது.
இந்நிலையில் உலகளாவிய பொருளாதார மந்தநிலை மற்றும் தொழில்நுட்ப மாற்றங்களுக்கு ஏற்ப நிறுவனத்தை மாற்றியமைக்க இத்தகைய கடினமான முடிவுகளை எடுக்க வேண்டியிருப்பதாக மைக்ரோசாப்ட் தரப்பில் விளக்கமளிக்கப்பட்டுள்ளது. இருப்பினும், திறமையான ஊழியர்கள் இது போன்ற திடீர் பணிநீக்கங்களால் எதிர்காலத்தைக் குறித்த அச்சத்தில் உள்ளனர்.
