உத்தரபிரதேச மாநிலம் வாரணாசியில், மனைவியின்  நடத்தை காரணமாக சலிப்படைந்த ஒரு இளைஞர் நேராக காவல் நிலையத்துக்கு சென்று புகார் அளித்த சம்பவம் பெரும் கவனத்தை ஈர்த்து வருகிறது. அந்த இளைஞர் அளித்த தகவலின்படி, அவர் மனைவி நாள் முழுவதும் தன்னுடன் இருந்துவிட்டு, இரவு நேரத்தில் தன் காதலனுடன் செல்வதாகக் கூறியுள்ளார். இது கடந்த சில மாதங்களாக தொடர்ந்துவருவதாகவும், மனவேதனையால் துயரம் அடைவதாகவும் தெரிவித்துள்ளார்.

இது குறித்து போலீசாரிடம் கொடுத்த புகாரில், “மனைவியிடம் விவாகரத்து கேட்டேன். ஆனால், அவள் மறுத்துவிட்டாள். என்னோடு வாழ்வதற்கோ இல்லை, பிரிவதற்கோ தயாராக இல்லாமல் தினமும் இரவில் காணாமல் போகிறாள். ஒரு நாள் பின்தொடர்ந்தபோது, அவள் ஒரு வாடகை வீட்டில் தங்கி இருக்கும் காதலனின் வீட்டுக்குச் செல்வதை பார்த்தேன். என் வாழ்க்கை நாள்தோறும் நரகமாக மாறிவிட்டது,” என ஆழ்ந்த வருத்தத்துடன் கூறியுள்ளார்.

மேலும், காவல்துறையின் முன் மனைவியை சமாதானப்படுத்தும் முயற்சி எடுத்த போதும், மனைவி அதனை நிராகரித்து, “நீ யார்? எனக்கு உன்னைத் தெரியவில்லை” என இழிவாக பதிலளித்ததாகவும் அவர் தெரிவித்தார். “நான் என்ன தவறு செய்தேன்? என் வாழ்க்கையை அமைதியாக வாழவிடுங்கள். எங்கு வேண்டுமானாலும் செல்வது உங்களுடைய விருப்பம்,” என அந்த இளைஞர் தனது மனைவியிடம் சொல்லியதாக நொந்த மனதுடன் காவல் நிலையத்தில் தெரிவித்தார். மேலும்  இது போன்ற சம்பவங்கள் சமூகத்தினுள் கணவர்களும் உரிமைகளுடன் சித்திரவதைக்கு ஆளாவதாக வெளிக்கொணர்கிறது என சமூக ஆர்வலர்கள் தெரிவிக்கின்றனர்.