திருநெல்வேலியில் நடைபெற்ற பிரம்மாண்ட தேர்தல் பிரசாரக் கூட்டத்தில் பேசிய தமிழக வெற்றிக் கழகத் தலைவர் விஜய், ஆளுங்கட்சியான திமுக மற்றும் மத்திய ஆளுங்கட்சியான பாஜக ஆகிய இரண்டையுமே கடுமையாகத் தாக்கினார். “வெளியில் பார்க்கும்போது திமுகவும் பாஜகவும் தனித்தனித் துருவங்களாகத் தெரிந்தாலும், உள்ளுக்குள் இருவருமே ஒன்றுதான். இந்த விஜய் வந்துவிடக்கூடாது என்பதுதான் அவர்களின் ஒரே நோக்கம்.

ஏனென்றால், நான் வந்த பிறகு அவர்களின் ஊழல்களைப் பட்டியலிடுவதால், அவர்களால் இனி நிம்மதியாகக் கொள்ளையடிக்க முடியவில்லை” என்று ஆவேசமாகத் தெரிவித்தார். விஜய்யின் இந்த “நேரடி மற்றும் மறைமுக கூட்டணி” குறித்த விமர்சனம் தமிழக அரசியல் களத்தில் பெரும் விவாதத்தை ஏற்படுத்தியுள்ளது.