உலக நாயகன் கமல்ஹாசன் சமீபத்தில் நாடாளுமன்றத்தில் ஆற்றிய உரை சமூக வலைதளங்களில் மிகப்பெரிய பேசுபொருளாக மாறியுள்ளது. மக்கள் நீதி மய்யம் தலைவராக, மக்களின் பிரச்சனைகளையும் நாட்டின் தற்போதைய சூழலையும் அவர் முன்வைத்த விதம் பலரது கவனத்தையும் ஈர்த்துள்ளது.
இந்நிலையில் குறிப்பாக, துணிச்சலான கருத்துக்களையும் ஆழமான அரசியல் பார்வையையும் தனது உரையில் அவர் வெளிப்படுத்திய விதம், “கமல் சம்பவம் செய்துவிட்டார்” என அவரது ஆதரவாளர்களால் கொண்டாடப்பட்டு வருகிறது.
இணையவாசிகள் பலரும் கமலின் இந்த ஆளுமையான பேச்சைத் தொடர்ந்து பகிர்ந்து, அவருக்குப் பாராட்டுகளைக் குவித்து வருகின்றனர். வழக்கமாகத் திரைத்துறை மற்றும் அரசியல் நிகழ்வுகளைக் கடுமையாக விமர்சிக்கும் ‘ப்ளூ சட்டை’ மாறன் கூட, இந்த முறை கமலை வெகுவாகப் பாராட்டியுள்ளது அனைவரையும் ஆச்சரியத்தில் ஆழ்த்தியுள்ளது.
மேலும் கமலின் இந்த நாடாளுமன்றப் பேச்சை ஒரு ‘மாஸ் மூவ்’ என வர்ணித்துள்ள அவர், மற்ற அரசியல்வாதிகளுக்கு இது ஒரு பாடம் என்பது போலத் தனது பாணியில் அதிரடியான கருத்துக்களைத் தெரிவித்துள்ளார். எதிர்மறையான விமர்சனங்களுக்குப் பெயர் போன மாறனே பாராட்டும் அளவுக்குக் கமலின் செயல்பாடு அமைந்துள்ளதால், இது அரசியல் வட்டாரத்தில் தற்போது ஹாட் டாபிக்காக மாறியுள்ளது.
