வியட்நாமில் உள்ள புகழ்பெற்ற பூ குவாக்  தீவுப் பகுதியில், 32 இந்திய சுற்றுலாப் பயணிகள் மற்றும் 3 ஊழியர்கள் என மொத்தம் 35 பேருடன் சென்ற சுற்றுலாப் படகு திடீரென நடுக்கடலில் கவிழ்ந்து கோர விபத்துக்குள்ளானது.

இந்த எதிர்பாராத விபத்தில் சிக்கியவர்களை மீட்கும் பணியில் மீட்புக் குழுவினர் தீவிரமாக ஈடுபட்டு வரும் நிலையில், இதுவரை 18 பேர் மட்டுமே பத்திரமாக உயிருடன் மீட்கப்பட்டுள்ளனர்.

மாயமான மற்றவர்களைத் தேடும் பணி முடுக்கிவிடப்பட்டுள்ள நிலையில், விபத்துக்குள்ளான படகில் தமிழகத்தைச் சேர்ந்த சுற்றுலாப் பயணிகளும் பயணித்திருந்த தகவல் தற்பொழுது பெரும் அதிர்ச்சியையும் பதற்றத்தையும் ஏற்படுத்தியுள்ளது.

இந்த விபத்து குறித்து இந்தியர்களின் உறவினர்கள் தகவல்களை உடனுக்குடன் அறிந்துகொள்ள வசதியாக அவசரகால உதவி எண்கள் தற்பொழுது அதிகாரப்பூர்வமாக அறிவிக்கப்பட்டுள்ளன.