தமிழ்நாட்டில் 10 மற்றும் 12-ம் வகுப்பு மாணவர்களுக்கான பொதுத்தேர்வு தேதிகள் ஏற்கனவே அறிவிக்கப்பட்டிருந்த நிலையில், 2026 சட்டப்பேரவை தேர்தல் காரணமாகத் தேர்வுகள் தள்ளிப்போக வாய்ப்புள்ளதாகத் தகவல்கள் பரவி வந்தன. இதனால் மாணவர்கள் மற்றும் பெற்றோர்கள் மத்தியில் பெரும் குழப்பம் நிலவியது. குறிப்பாக, மார்ச் 2 முதல் 26 வரை 12-ம் வகுப்புத் தேர்வும், மார்ச் இறுதி முதல் ஏப்ரல் 20 வரை 10-ம் வகுப்புத் தேர்வும் நடைபெறவுள்ள சூழலில், தேர்தல் குறுக்கிடுமா என்கிற கேள்வி எழுந்தது.

​இன்று சென்னையில் செய்தியாளர்களைச் சந்தித்த அமைச்சரிடம் இது குறித்துக் கேள்வி எழுப்பப்பட்டபோது, அவர் மிகத் தெளிவாகப் பதிலளித்தார். “பொதுத்தேர்வு தேதியில் எந்த மாற்றமும் இல்லை; ஏற்கனவே அறிவிக்கப்பட்ட அட்டவணைப்படியே தேர்வுகள் நடைபெறும்” என்று அவர் திட்டவட்டமாகத் தெரிவித்துவிட்டார். இதன் மூலம் தேர்தல் வேலைகளுக்கு மத்தியிலும் தேர்வுகள் திட்டமிட்டபடி நடக்கும் என்பது உறுதியாகியுள்ளது. மாணவர்கள் வதந்திகளை நம்பாமல் தேர்வுக்குத் தயாராக வேண்டும் எனத் துறை அதிகாரிகள் அறிவுறுத்தியுள்ளனர்.