திமுக கூட்டணியில் அங்கம் வகித்து வரும் தேமுதிகவின் பொருளாளரும் மாநிலங்களவை உறுப்பினருமான எல்.கே. சுதீஷ், தில்லியில் பிரதமர் நரேந்திர மோடி மற்றும் மத்திய உள்துறை அமைச்சர் அமித் ஷா ஆகியோரை அடுத்தடுத்து நேரில் சந்தித்துப் பேசியுள்ளார்.

இந்தத் சந்திப்புகள் தமிழக அரசியல் அரங்கில் பெரும் எதிர்பார்ப்பையும் பல்வேறு ஊகங்களையும் கிளப்பியுள்ளன. கடந்த சட்டமன்றத் தேர்தலில் திமுக கூட்டணியில் இணைந்த தேமுதிகவுக்கு மாநிலங்களவை உறுப்பினர் பதவி மற்றும் தொகுதிகள் ஒதுக்கப்பட்டன.

இருப்பினும், தற்போது கூட்டணியில் ஏற்பட்டுள்ள மாறுதல்களுக்கு இடையே சுதீஷ் தலைவர்களைச் சந்தித்துள்ளதால், தேமுதிக மீண்டும் பாஜக பக்கம் சாய்கிறதா என்ற கேள்வி எழுந்துள்ளது. இதுகுறித்து விளக்கமளித்துள்ள தேமுதிக நிர்வாகிகள், பிரதமரும் உள்துறை அமைச்சரும் மீது கட்சித் தலைமைக்கு எப்போதுமே நன்மதிப்பு உண்டு என்றும், முதல்முறையாக நாடாளுமன்றத்திற்குச் சென்றுள்ள சுதீஷ் மரியாதை நிமித்தமாகவே இவர்களைச் சந்தித்தார் என்றும் தெரிவித்துள்ளனர்.

மேலும், மேகதாது அணை உள்ளிட்ட தமிழகத்தின் முக்கியப் பிரச்சினைகள் குறித்து மட்டுமே பேசப்பட்டதாகவும் அவர்கள் விளக்கம் அளித்துள்ளனர். எதிர்காலத்தில் கூட்டணி தொடர்பாக எந்தவொரு முக்கிய முடிவை எடுப்பதாக இருந்தாலும், கட்சியின் பொதுச்செயலாளர் பிரேமலதா விஜயகாந்த் மட்டுமே இறுதி முடிவை எடுப்பார் என்றும் அக்கட்சி வட்டாரங்கள் தெளிவுபடுத்தியுள்ளன.

“>

 

தமிழக அரசியல் களம் சூடுபிடித்துள்ள இந்தச் சூழலில், தேமுதிக எம்பியின் இந்த அதிரடி டெல்லி விசிட் அரசியல் கட்சிகளிடையே மிகுந்த கவனத்தை ஈர்த்துள்ளது.