அடர்த்தியான, ஆரோக்கியமான தாடி பல ஆண்களின் கனவாக இருந்தாலும், அதைத் தீர்மானிப்பதில் மரபியல், வயது மற்றும் ஹார்மோன்கள் முக்கியப் பங்கு வகிக்கின்றன. ஒரே ஒரு எண்ணெயால் மட்டுமே தாடியை வளர்த்துவிட முடியாது என்றாலும், சில இயற்கை எண்ணெய்கள் தாடி மற்றும் சருமத்தை ஆரோக்கியமாகப் பராமரிக்கப் பெரிதும் உதவுகின்றன.

ரோஸ்மேரி எண்ணெய் மயிர்க்கால்களுக்குத் தேவையான ஊட்டச்சத்தை வழங்கி, தாடி முடி வளர்ச்சியை மேம்படுத்துகிறது என்று ஆய்வுகள் தெரிவிக்கின்றன. இது தாடிக்கு அடியில் உள்ள சருமத்திற்கு ஈரப்பதத்தை அளித்து வறட்சியைத் தடுப்பதோடு, ஆன்டிஆக்ஸிடன்ட்கள் மூலம் முடிகள் சேதமடையாமல் பாதுகாத்து ஆரோக்கியமான தோற்றத்தைத் தருகிறது.

விளக்கெண்ணெய் சற்று அடர்த்தியானது என்பதால், தாடி முடி ஒவ்வொன்றையும் மூடி பளபளப்பான மற்றும் அடர்த்தியான தோற்றத்தைக் கொடுக்கிறது. கரடுமுரடான மற்றும் வறண்ட தாடியை மென்மையாக்கும் ஆற்றல் இதற்கு உண்டு. இதில் உள்ள ரிசினோலெயிக் அமிலம் முடி வளர்ச்சியுடன் தொடர்புடைய உயிரியல் செயல்பாடுகளுக்கு உதவுகிறது.

தேங்காய் எண்ணெய் தாடி முடிக்குள் ஆழமாகச் சென்று புரத இழப்பைத் தடுக்கிறது. வலுவிழந்த தாடி முடிகள் உடைவதைத் தடுத்து, அவற்றை வலிமையாகவும் மென்மையாகவும் மாற்றுகிறது. தாடி வளர்ச்சியைத் தூண்டுவதை விட, இருக்கும் தாடியை ஆரோக்கியமாகவும் ஈரமாக வைப்பதற்கும் தேங்காய் எண்ணெய் மிகச் சிறந்த தேர்வாகும்.

இயற்கை எண்ணெய்களோடு சேர்த்து, தினமும் போதுமான தண்ணீர் குடிப்பது, புரதம் மற்றும் வைட்டமின்கள் நிறைந்த உணவுகளை உண்பது அவசியமாகும். மேலும், 7-8 மணி நேரத் தூக்கம், உடற்பயிற்சி மற்றும் முகத்தைச் சுத்தமாகப் பராமரிப்பது போன்ற பழக்கங்கள் தாடி வளர்ச்சிக்கான ஹார்மோன் அளவைச் சீராக வைக்க உதவும்.