தமிழக அரசு நிகழ்ச்சிகளில் தமிழ்த்தாய் வாழ்த்து மற்றும் தேசிய கீதம் இசைக்கப்படுவது தொடர்பான மரபுகள் குறித்து கரூர் நாடாளுமன்ற உறுப்பினர் ஜோதிமணி தனது எக்ஸ் (X) பக்கத்தில் முக்கிய பதிவு ஒன்றை வெளியிட்டுள்ளார்.

தமிழ்நாட்டில் நடைபெறும் அரசு விழாக்களின் தொடக்கத்தில் தமிழ்த்தாய் வாழ்த்தும், நிறைவில் தேசிய கீதமும் இசைக்கப்படுவதுதான் காலங்காலமாகப் பின்பற்றப்படும் வழக்கம் என்பதை அவர் சுட்டிக்காட்டியுள்ளார்.

இந்த நடைமுறையை வருங்காலங்களில் அமையவுள்ள தமிழ்நாடு அரசும் முறையாக உறுதி செய்ய வேண்டும் என வலியுறுத்தியுள்ள அவர், தமிழக மண்ணில் எப்போதும் தமிழ்த்தாய் வாழ்த்தே முதன்மையானதாக இருக்க வேண்டும் எனத் திட்டவட்டமாகத் தெரிவித்துள்ளார்.

மொழிப்பற்று மற்றும் மாநில உரிமைகள் சார்ந்து ஜோதிமணி எம்.பி. விடுத்துள்ள இந்த கோரிக்கை தற்போது சமூக வலைதளங்களில் பலரது கவனத்தையும் ஈர்த்து வருகிறது.