கோவையில் கொடூரமான முறையில் கொல்லப்பட்ட கல்லூரி மாணவர் அமுதாங்கிற அமுதன் குடும்பத்தினரை, எதிர்க்கட்சித் தலைவர் உதயநிதி ஸ்டாலின் தொலைபேசி வாயிலாகத் தொடர்பு கொண்டு நேரில் பேச முடியாத சூழலில் தனது ஆழமான ஆறுதலைத் தெரிவித்துள்ளார். இந்தச் சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ள நிலையில், பாதிக்கப்பட்ட குடும்பத்திற்குத் தனது ஆதரவை அவர் தெரிவித்துள்ளார்.
உரையாடலின் போது, மாணவன் அமுதன் கொலையில் சம்பந்தப்பட்ட குற்றவாளிகளுக்குச் சட்ட ரீதியாகப் போராடித் தகுந்த தண்டனையைப் பெற்றுத் தர அனைத்து நடவடிக்கைகளும் எடுக்கப்படும் என்று உதயநிதி உறுதியளித்துள்ளார். அத்துடன், பாதிக்கப்பட்ட குடும்பத்திற்குத் தேவையான அனைத்து உதவிகளையும் செய்யத் தயாராக இருப்பதாகத் தெரிவித்துள்ளார்.
மேலும், வரவிருக்கும் திங்கள்கிழமை (17.08.2026) அன்று நடைபெறவுள்ள சட்டமன்றக் கூட்டத்தொடரில், இந்த மாணவர் கொலை விவகாரம் குறித்து விரிவாகப் பேச உள்ளதாகவும் உதயநிதி ஸ்டாலின் தெரிவித்துள்ளார். மாநிலத்தின் சட்டம் ஒழுங்கு பிரச்சனை மற்றும் மாணவர் பாதுகாப்பு குறித்துச் சட்டமன்றத்தில் குரல் எழுப்பப்போவதாக அவர் கூறியுள்ளார்.
எதிர்க்கட்சித் தலைவர் உதயநிதி ஸ்டாலின் தொலைபேசியில் தொடர்பு கொண்டு ஆறுதல் கூறியதுடன், சட்டமன்றத்தில் இந்த விவகாரத்தை எழுப்பப்போவதாக உறுதியளித்த தகவலைக் கொல்லப்பட்ட மாணவர் அமுதனின் பெற்றோர் ஊடகங்களிடம் தெரிவித்துள்ளனர்.
