ஐபிஎல் 2026 கிரிக்கெட் திருவிழா வரும் மார்ச் 28-ம் தேதி முதல் கோலாகலமாகத் தொடங்கவுள்ளது. இந்தத் தொடரில் சிக்ஸர்களும் சௌண்டரிகளும் பறக்கும் என ரசிகர்கள் ஆவலுடன் காத்திருக்கும் வேளையில், ஐபிஎல் வரலாற்றில் ஒரு சிக்ஸர் கூட அடிக்காத டாப் வீரர்கள் குறித்த தகவல் வெளியாகியுள்ளது. இதில் ஆச்சரியமான விஷயம் என்னவென்றால், ஐபிஎல் வரலாற்றின் விலையுயர்ந்த வீரரான மிட்செல் ஸ்டார்க் 52 போட்டிகளில் விளையாடியும் ஒரு சிக்ஸர் கூட அடிக்கவில்லை. பந்துவீச்சாளராக இருந்தாலும், 111 ரன்கள் எடுத்து 11 பவுண்டரிகளை விளாசிய அவருக்கு, ஒரு சிக்ஸர் கூட அடிக்க முடியாமல் போனது ரசிகர்களுக்குப் பெரும் அதிர்ச்சியாக உள்ளது.

​இதே பட்டியலில் ஆஸ்திரேலியாவின் முன்னாள் ஜாம்பவான் கேப்டன் மைக்கேல் கிளார்க்கும் இணைந்துள்ளார். 2012-ல் புனே வாரியர்ஸ் அணிக்காக 6 இன்னிங்ஸ்களில் விளையாடிய அவர், ஒரு சிக்ஸர் கூட அடிக்காமல் ஐபிஎல் பயணத்தை முடித்துக் கொண்டது குறிப்பிடத்தக்கது. இவர்களைத் தவிர பஞ்சாப் கிங்ஸின் நிதிப் சைனி, ஆஸ்திரேலியாவின் கேலம் பெர்குசன் மற்றும் லீ கார்செல்டைன் ஆகியோரும் ஐபிஎல் களத்தில் ஒருமுறை கூட பந்தை சிக்ஸர் எல்லைக்குத் தள்ள முடியாமல் திணறியுள்ளனர். ஐபிஎல் 2026-ல் புதிய வீரர்கள் பல சாதனைகளைப் படைப்பார்கள் என்று எதிர்பார்க்கப்படும் நிலையில், பழைய வீரர்களின் இந்த வினோத சாதனை தற்போது இணையத்தில் பேசுபொருளாகியுள்ளது.