தெற்கு சீனாவில் உள்ள ஒரு கண்ணாடித் தொழிற்சாலையில், 48 வயதான ஜாங் என்பவர் கடந்த பல ஆண்டுகளாகப் பணியாற்றி வருகிறார். 1,000 டிகிரி செல்சியஸுக்கும் அதிகமான வெப்பத்தில் உருகிய கண்ணாடியை ஒரு நீண்ட குழாய் மூலம் ஊதி வடிவமைப்பதே இவருடைய வேலை.

நீண்ட காலமாகக் கடினமாக ஊதி வேலை செய்ததன் காரணமாக, ஜாங்கின் முகத் தசைகள் வழக்கத்திற்கு மாறாக விரிவடைந்து, அவர் ஊதும்போது அவரது கன்னங்கள் பலூன் போல விசித்திரமாக வீங்குகின்றன. இதைக் கண்டு சக ஊழியர்கள் அவரை “பிக் மவுத் பிரதர்” என்று அழைக்கிறார்கள், ஆனால் அவரோ தன்னை நகைச்சுவையாக “தவளை இளவரசர்” என்று அழைத்துக்கொள்கிறார்.

சமூக வலைதளங்களில் ஜாங் வேலை செய்யும் வீடியோ வைரலானதைத் தொடர்ந்து, மக்கள் பலரும் அவரது நிலையைத் தங்களது கருத்துகளால் பகிர்ந்து வருகின்றனர். ஆரம்பத்தில் சாதாரண முகத்தோற்றம் கொண்ட ஜாங், தனது குடும்பத்தை வாழ்விப்பதற்காகத் தொடர்ந்து கடின உழைப்பைச் செலுத்தியதால் அவரது முகம் இவ்வாறு மாறியிருப்பது பலரை நெகிழச் செய்துள்ளது.

“இவரது தோற்றத்தைப் பார்த்து நான் சிரிக்கவில்லை, மாறாக இவ்வளவு காலம் அவர் உழைத்த உழைப்பைப் பார்த்து வியக்கிறேன்” எனப் பயனர்கள் உருக்கமாகப் பதிவிட்டு வருகின்றனர். ஒரு சாதாரணத் தொழிலாளியின் அர்ப்பணிப்புக்குச் சான்றாக ஜாங்கின் இந்த வீடியோ இணையத்தில் பெரும் விவாதத்தை ஏற்படுத்தியுள்ளது.