பீகார் முதல்வர் நிதிஷ் குமார் ஒரு பெண்ணின் ஹிஜாபைப் பிடித்து இழுப்பது போன்ற சர்ச்சைக்குரிய வீடியோவைத் தொடர்ந்து, தற்போது இன்ஸ்டாகிராம் ரீல்ஸ் போன்ற தளங்களில் அதே போன்ற பல வீடியோக்கள் பரவி வருவது மிகுந்த கவலையளிக்கிறது. பொது இடங்களில் பெண்களின் ஹிஜாப் வலுக்கட்டாயமாக இழுக்கப்படுவது போன்ற காட்சிகள் பெண் கண்ணியத்திற்கும், பொதுப் பாதுகாப்பிற்கும் விடப்பட்ட அச்சுறுத்தலாகவே பார்க்கப்படுகிறது.

​இந்த வீடியோக்கள் எப்போது எடுக்கப்பட்டன, எங்கு நடந்தன அல்லது இவற்றின் நம்பகத்தன்மை என்ன என்பது குறித்த அதிகாரப்பூர்வத் தகவல்கள் இன்னும் உறுதி செய்யப்படவில்லை. இருப்பினும், விவகாரத்தின் தீவிரத்தை உணர்ந்து டெல்லி காவல்துறை இந்த வீடியோக்களை முறையாக ஆய்வு செய்து, இதில் ஏதேனும் சட்டவிரோதச் செயல்கள் நடந்திருப்பது உறுதியானால் சம்பந்தப்பட்டவர்கள் மீது கடும் நடவடிக்கை எடுக்க வேண்டும் என்பது சமூக ஆர்வலர்களின் கோரிக்கையாக உள்ளது.