பாகிஸ்தானில் நிலவி வரும் கடும் பொருளாதார நெருக்கடி மற்றும் எரிபொருள் தட்டுப்பாடு காரணமாக, அந்நாட்டு அரசு ஊழியர்களின் சம்பளத்தில் 30 சதவீதம் வரை குறைக்க பாகிஸ்தான் அரசு அதிரடி முடிவெடுத்துள்ளது. நாட்டின் அந்நியச் செலாவணி கையிருப்பு குறைந்துள்ளதாலும், சர்வதேச நிதியத்திடமிருந்து கடன் பெறுவதற்கான நிபந்தனைகளை நிறைவேற்ற வேண்டிய கட்டாயத்தாலும் இந்த சிக்கன நடவடிக்கை மேற்கொள்ளப்பட்டுள்ளது.

இது குறிப்பாக, அமைச்சர்கள் மற்றும் அரசு உயர் அதிகாரிகளுக்கு வழங்கப்படும் எரிபொருள் ஒதுக்கீட்டை குறைப்பதன் மூலம் அரசாங்கத்தின் செலவினங்களைக் கட்டுப்படுத்த பிரதமர் ஷேபாஸ் ஷெரீப் தலைமையிலான அரசு திட்டமிட்டுள்ளது. இந்த சம்பளக் குறைப்பு மற்றும் சலுகைகள் பறிப்பு நடவடிக்கையானது அரசு ஊழியர்களிடையே பெரும் அதிருப்தியை ஏற்படுத்தியுள்ளது.