மத்தியபிரதேச மாநிலம் நர்சிங்பூர் மாவட்டத்தில், புனிதமான குடும்ப உறவுகளின் வரம்புகளை மீறி நடந்த ஒரு தகாத காதலால், இறுதியில் ஒரு கொடூரக் கொலை சம்பவம் அரங்கேறி ஒட்டுமொத்தப் பகுதியையும் அதிர்ச்சியில் ஆழ்த்தியுள்ளது. வீரேந்திரா என்ற நபருக்கும், அவரது மனைவியின் சகோதரிக்கும் இடையே கடந்த சில காலமாக சட்டவிரோதக் காதல் தொடர்பு இருந்து வந்துள்ளது.
இந்தத் தகாத உறவின் தீவிரத்தால், சுமார் ஏழு மாதங்களுக்கு முன்பு அந்தப் பெண் தனது கணவர் மற்றும் குடும்பத்தை விட்டு விலகி, காதலனான வீரேந்திராவுடன் வீட்டை விட்டு வெளியேறிச் சென்றுவிட்டார். இருப்பினும், நாட்க செல்லச் செல்லத் தனது பிள்ளைகளின் எதிர்காலம், குடும்பத்தின் கௌரவம் மற்றும் சமூக நிலை ஆகியவற்றைக் கருத்தில் கொண்ட அந்தப் பெண், மனம்மாறி வீரேந்திராவை விட்டுப் பிரிந்து மீண்டும் தன் கணவரிடமே வந்து சேர்ந்தார்.
ஆனால், தன்னை விட்டுவிட்டுத் தன் மைத்துனி மீண்டும் பழையபடி கணவருடன் வாழ்வதை வீரேந்திராவால் ஏற்றுக்கொள்ள முடியவில்லை. தன் காதலி கைநழுவிப் போன ஆத்திரமும், அவளது கணவர் மீது ஏற்பட்ட வஞ்சினமும் வீரேந்திராவின் மனதில் அடக்க முடியாத கோபமாக உருவெடுத்தது.
இதனால், தன் வழியில் முட்டுக்கட்டையாக இருக்கும் மைத்துனனின் கணவரை நிரந்தரமாக ஒழித்துக்கட்ட வேண்டும் என்ற கொடூரத் திட்டத்தை அவன் தீட்டினான். திட்டமிட்டபடி, ஒரு சிறுவனைத் தன் கூட்டாளியாகச் சேர்த்துக்கொண்ட வீரேந்திரா, மைத்துனனின் கணவரை நயவஞ்சகமாகத் தன் இருசக்கர வாகனத்தில் ஏற்றி, ஆள் நடமாட்டமில்லாத ஒரு தனிமையான பகுதிக்கு அழைத்துச் சென்றான்.
அங்கு வைத்து இருவரும் சேர்ந்து அந்த நபர் மீது கத்தியால் சரமாரியாகக் குத்தித் தாக்குதல் நடத்தினர். இதில் படுகாயமடைந்த அவர் சம்பவ இடத்திலேயே ரத்த வெள்ளத்தில் சுருண்டு விழ, கொடூரத்தின் உச்சமாக வயிற்றிலேயே கத்தியைப் பாய்ச்சிய நிலையில் விட்டுவிட்டு அவர்கள் தப்பி ஓடிவிட்டனர்.
இச்சம்பவம் குறித்துத் தீவிர விசாரணை நடத்திய நர்சிங்பூர் காவல்துறையினர், முதன்மை குற்றவாளியான வீரேந்திரா மற்றும் அவனது சிறுவன் கூட்டாளியைக் கைது செய்து, தகுந்த சட்டப் பிரிவுகளின் கீழ் வழக்குப்பதிவு செய்து சிறையில் அடைத்துள்ளனர்.
