வெளிநாடுகளில் குடியேறும் இந்தியக் குடும்பங்களில், தலைமுறை இடைவெளியையும் தாண்டி மொழி மற்றும் கலாச்சார வேறுபாடுகள் எத்தகைய சுவாரசியமான சவால்களை ஏற்படுத்துகின்றன என்பதை வெளிச்சம்போட்டுக் காட்டும் வீடியோ ஒன்று சமூக வலைதளங்களில் வைரலாகி வருகிறது.

அமெரிக்காவில் வசிக்கும் இந்தியத் தாய் ஒருவர், அங்கு பிறந்து வளரும் தனது மகளின் அமெரிக்க உச்சரிப்பைப் புரிந்து கொள்ள முடியாமலும், அதற்கேற்பப் பேச முடியாமலும் திணறும் அழகான தருணம் இதில் பதிவாகியுள்ளது. அன்றாடக் குடும்ப வாழ்க்கையில் நடக்கும் இந்த இயல்பான உரையாடல், உலகெங்கிலும் உள்ள புலம்பெயர்ந்த இந்தியர்களின் கவனத்தை ஈர்த்துப் பெரும் வரவேற்பைப் பெற்றுள்ளது.

அந்த வீடியோவில், மகள் பேசும் தூய்மையான அமெரிக்க ஆங்கில உச்சரிப்பு தாய்க்கு சட்டென்று புரியாமல் போவதும், அதைத் தாய் தனது இந்திய பாணி ஆங்கிலத்தில் மாற்றிப் புரிந்து கொள்ள முயற்சிப்பதும் காண்போரைச் புன்னகைக்க வைக்கிறது.

மேலும் தான் சொல்ல வரக்கூடிய வார்த்தைகளை மகள் மிக வேகமாகவும் உச்சரிப்பு மாற்றத்துடனும் பேசும் போது, அதை மீண்டும் மீண்டும் கேட்டு உறுதிப்படுத்திக் கொள்ளும் தாயின் வெளிப்படையான பாவனைகள் இணையவாசிகளின் மனதை வென்றுள்ளன.

இதனால் வெவ்வேறு கலாச்சாரச் சூழலில் உருவாகும் இந்த சின்னச் சின்னத் தடுமாற்றங்கள், ஒவ்வொரு வீட்டிலும் அரங்கேறும் இயல்பான ஒன்றுதான் என்பதை இந்த வீடியோ நெகிழ்ச்சியோடு நினைவூட்டுகிறது. இணையத்தில் வேகமாகப் பரவி வரும் இந்த வீடியோவைக் கண்டு ரசித்த ஏராளமான நெட்டிசன்கள், தங்களது வீடுகளிலும் இதே போன்ற அனுபவங்கள் நடப்பதாகக் கருத்துகளைப் பகிர்ந்து வருகின்றனர்.

இந்நிலையில் தாய்நாட்டின் பாரம்பரியத்தையும், தாங்கள் வாழும் நாட்டின் கலாச்சாரத்தையும் ஒரே கூரையின் கீழ் சுமந்து வாழும் இந்தியக் குடும்பங்களின் யதார்த்த நிலையை இந்தப் பதிவு மிக அழகாகப் படம் பிடித்துக் காட்டுகிறது.

வெறும் பொழுதுபோக்காக மட்டுமின்றி, தலைமுறை கடந்து தாய்க்கும் மகளுக்கும் இடையே இருக்கும் அசைக்க முடியாத அன்பையும், அந்த அன்பிற்குள் இருக்கும் இந்தச் செல்லமான முரண்பாடுகளையும் வெளிப்படுத்தும் ஒரு சிறந்த பதிவாக இது மாறியுள்ளது.

“>