Vijay

நடிகர் விஜய் நடிப்பில் வெளியாகவுள்ள ‘ஜனநாயகன்’ திரைப்படத்தின் புதிய பாடல் நேற்று வெளியானது. இந்தப் பாடலைக் கொண்டாடி வரும் விஜய் ரசிகர் ஒருவர், “அனைவரும் இந்தப் பாடலைக் காலர் டியூனாக மாற்றிக்கொள்ளலாமா?” என்று தனது எக்ஸ் (X) பக்கத்தில் ஆவலோடு பதிவிட்டிருந்தார். ரசிகர்களின் இந்த உற்சாகமான பதிவு இணையத்தில் வைரலாகி வந்த நிலையில், அதற்குப் பதிலாக வந்த ஒரு விமர்சனப் பதிவு பெரும் அதிர்ச்சியை ஏற்படுத்தியுள்ளது.

​அந்தப் பதிலடியில், “சொந்தக் கட்சியைச் சேர்ந்த பெண் ஒருவர் தற்கொலை முயற்சி செய்து, தற்போது மருத்துவமனையில் உயிருக்குப் போராடிக் கொண்டிருக்கிறார். இந்தச் சூழலில் உங்களுக்கு ரிங்டோன் ஒரு கேடா? என்ன பிறவி நீங்கள்?” என்று மிகக் காரசாரமாகக் கேள்வி எழுப்பப்பட்டுள்ளது. கட்சியின் பெண் நிர்வாகி ஒருவரின் நிலையைப் பொருட்படுத்தாமல் பாடலைக் கொண்டாடும் ரசிகரின் போக்கைக் கண்டித்து போடப்பட்ட இந்த விமர்சனப் பதிவு, தற்போது சமூக வலைதளங்களில் விவாதத்தைக் கிளப்பி வைரலாகி வருகிறது.