பொதுவாக நாய்கள் மிகவும் விசுவாசமானவை மற்றும் புத்திசாலியானவை என்று நமக்குத் தெரியும். ஆனால், ஒரு நாய் தனது உயிரைக் காப்பாற்றிக்கொள்ள எவ்வளவு அருமையாக ‘நடிப்பு’ திறமையை காட்டியுள்ளது என்பதை ஒரு சமூக வலைதள வீடியோ நிரூபித்துள்ளது. இந்த வீடியோவில், ஒரு தெரு நாய் தன்னைத் தாக்க வந்த பயங்கரமான பிட்புல் (Pitbull) நாயிடமிருந்து தப்பிக்க, செத்துப்போனது போல நடித்து தரையில் விழுந்து கிடக்கிறது. அந்த பிட்புல் நாய் அதன் கழுத்தைப் பிடித்து இழுத்தபோதும், அந்தத் தெரு நாய் துளியும் அசையாமல் அப்படியே கிடந்ததைப் பார்த்தவர்கள், அது உண்மையிலேயே இறந்துவிட்டதோ என்று எண்ணும் வகையில் அதன் நடிப்பு தத்ரூபமாக இருந்தது.
Dog’s intelligent survival strategy, playing dead until the Pitbull is removed
— Science girl (@sciencegirl) January 10, 2026
கடைசியில் அங்கிருந்தவர்கள் அந்த பிட்புல் நாயை அப்புறப்படுத்திய பிறகு, ‘இறந்தது’ போல் நடித்த அந்த நாய் மின்னல் வேகத்தில் எழுந்து ஓடியது. இந்த வீடியோவைப் பார்த்த பலரும், “வளர்ப்பு நாய்களை விட தெரு நாய்களுக்குத்தான் பிழைக்கத் தெரியும்” என்றும், அந்த நாயின் சமயோசித புத்தியைப் பாராட்டியும் கருத்துக்களைப் பகிர்ந்து வருகின்றனர். ஆபத்தான சூழலில் பதற்றமடையாமல், புத்திசாலித்தனமாகச் செயல்பட்டு தன் உயிரைக் காப்பாற்றிக் கொண்ட அந்த நாயின் வீடியோ இப்போது இணையத்தில் வைரலாகி வருகிறது.
