சோழர் காலத்து செப்பேடுகளின் வரலாற்றுச் சிறப்புகள் மற்றும் தமிழ் மொழியின் தொன்மை குறித்து பிரதமர் நரேந்திர மோடி அவர்கள் அதிரடியான பெருமிதக் கருத்துக்களைப் பகிர்ந்துள்ளார். “சோழர் காலத்து செப்பேடுகள் என்பது 21 பெரிய தகடுகள் மற்றும் 3 சிறிய தகடுகளைக் கொண்ட ஒரு மாபெரும் தொகுப்பாகும்; மாமன்னன் ராஜராஜ சோழன் வாய்மொழியாகக் கூறிய கட்டளையை, அவரது மகன் ராஜேந்திர சோழன் அரசாணையாக நிறைவேற்றியதை இந்த செப்பேடு மிகத் தெளிவாகக் கூறுகிறது” என்று அதன் வரலாற்றுப் பின்னணியை அவர் விளக்கியுள்ளார்.

​மேலும் பேசிய பிரதமர் மோடி, சோழர்களின் வீரம், கலாசாரம் மற்றும் அவர்களின் இணையற்ற கடல்வழி வல்லமை குறித்து நாம் அனைவரும் எப்போதும் பெருமிதம் கொள்ள வேண்டும் என்று சுட்டிக்காட்டியுள்ளார். உலகின் மிக அழகான மொழிகளில் ஒன்றான தமிழில்தான் இந்த வரலாற்றுச் சிறப்புமிக்க செப்பேட்டு வாசகங்கள் அமைந்துள்ளன என்று அவர் தமிழை உச்சிமுகர்ந்து பாராட்டியுள்ளார். சோழர்களின் கடல் ஆதிக்கத்தையும் தமிழின் பெருமையையும் பிரதமர் உலக அரங்கில் மீண்டும் பறைசாற்றியிருப்பது ஒட்டுமொத்த தமிழகத்திலும் பெரும் பரபரப்பையும் வரவேற்பையும் பெற்றுள்ளது.